КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2015-жылдын 22-июну № 389

«Күрөө жөнүндө» Кыргыз Республикасынын Мыйзамына толуктоолорду жана өзгөртүүлөрдү киргизүү тууралуу» Кыргыз Республикасынын Мыйзамынын долбоору жөнүндө

Кыргыз Республикасынын Конституцясынын 79-беренесине ылайык, Кыргыз Республикасынын Өкмөтү

ТОКТОМ КЫЛАТ:

1. «Күрөө жөнүндө» Кыргыз Республикасынын Мыйзамына толуктоолорду жана өзгөртүүлөрдү киргизүү тууралуу» Кыргыз Республикасынын Мыйзамынын долбоору жактырылсын.

2. Аталган мыйзамдын долбоору Кыргыз Республикасынын Жогорку Кеңешинин кароосуна киргизилсин.

3. Кыргыз Республикасынын Экономика министри бул мыйзамдын долбоору Кыргыз Республикасынын Жогорку Кеңешинде каралганда Кыргыз Республикасынын Өкмөтүнүн расмий өкүлү болуп дайындалсын.

 

Кыргыз Республикасынын Мыйзамы

«Күрөө жөнүндө» Кыргыз Республикасынын Мыйзамына толуктоолорду жана өзгөртүүлөрдү киргизүү тууралуу

1-берене

«Күрөө жөнүндө» Кьгргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2005-ж., № 6, 377 бер.) төмөнкүдөй толуктоолор жана өзгөртүүлөр киргизилсин:

1. 3-берене төмөнкүдөй мазмундагы он төртүнчү абзац менен толукталсын: «Ипотека күрөөсү - менчик  ээсинин төмөнкүлөргө укуктуулугун ырастоочу документтик ордердик баалуу кагаз:

- бул милдеттенмелердин бар экенин аныктаган башка далил көрсөтпөстөн, ипотека менен камсыздалган акчалай милдеттенме боюнча аткарууну алууга;

- Кыргыз Республикасынын мыйзамдарында белгиленген тартипте, ипотека менен оордотулган мулктүн эсебинен, ипотека менен камсыздалган, милдеттенмелердин канааттандырылышын  алууга.».

2. ll-берене төмөнкүдөй мазмундагы 10-пункт менен толукталсын:

«10. Ипотека күрөөсүн берүүдө мындай мүлктүн кийинки курөөлөрүнүн бар-жогу эсепке алынбайт.».

3. 19-берене төмөнкүдөй мазмундагы 5-пункт менен толукталсын:

«5. Ипотека күрөөсүнө ээ болгон күрөө кармоочу аны үчүнчү жакка индоссамент жүргүзуү аркылуу өткөрүп берүүгө укуктуу. Ипотека күрөөсү боюнча күрөөгө алуучу жана насыяга берген тараптын укуктары жаңы ээсине өтөт. Ипотека күрөөлүгу боюнча укуктарды өткөрүп берүү Кыргыз Республикасынын мыйзамдарында белгиленген тартипте мамлекеттик каттоого алынууга тийиш.».

4. З6-берене төмөндөй редакцияда берилсин:

«З6-берене. Ипотека күрөөсү тууралуу негизги жоболор.

1. Ипотека менен камсыз кылынган милдеттенмеге карата жана ипотека жөнүндө келишим боюнча күрөө кармоочунун укугу ипотека күрөөсү менен күбөлөндүрүлүшү мүмкүн.

2. Ипотека күрөөсү ипотекалык насыяга алыньш жаткан турак-жайдын ээси тарабынан түзүлөт. Башка учурларда, ипотека жөнүндөгү келишимдеги ипотека курөөлүгү тууралуу шарттар жараксыз деп эсептелет..