АТ-БАШИ АЙЫЛДЫК КЕӉЕШИ

ТОКТОМ

Депутаттардын Ат-Башы айыл округдук кеңешинин кезектеги ХХ сессиясы

2012-жылдын 3-апрели №20-9

Айылдын айыл чарбасына арналбаган жерлерине 2012-жылга жер салыгын эсептөө үчүн К1-зоналдык коэфициентин бекитүү жөнүндө

Кыргыз Республикасынын Салык кодексинин 339-беренесинин 4-пунктуна ылайык айыл чарбасына арналбаган жер салыгын эсептөө үчүн К1-зоналдык коэфициентинин өлчөмү айыл округдук Кеңештин сессиясында бекитилет. МСИнын Ат-Башы району боюнча башкармалыгы 12.03.2012-жылдагы №09.239 каты менен жана Ат-Башы базарынын ээси Н.Бактыбеков Ат-Башы базарынын жер салыгын эсептөөдө К1 -зоналдык коэфициентин 0,3 менен бекитип берүү жагын сурап кайрылышкан.

Бул маселе боюнча башкы салык адиси Т.Барктабасовдун билдирүүсүн угуп жана талкуулап депутаттардын Ат-Башы айыл округдук Кеңеши

ТОКТОМ КЫЛАТ:

1. Ат-Башы айылынын чет жагында жайгашкан Ат-Башы базарынын айына 4 гана жолу иштегенин эске алып, жер салыгын эсептөөдө К1-зоналдык коэфициентин 0,5 эсебинде бекитилсин.

2. Ат-Башы айылынын аймагында жайгашкан башка юридикалык жана физикалык жактарга айыл чарба багытына арналбаган жер салыгын эсептөөдө К1-зоналдык коэфициент 1,0 эсебинде бекитилсин.