КР Кара-Суу айылдык Кеңешинин 2021-жылдын 22-январындагы № 1/5 токтомуна ылайык КҮЧҮН ЖОГОТТУ

АТ-БАШЫ АЙЫЛДЫК КЕҢЕШИ

ТОКТОМ 

Кара-Суу айылдык Кеңешинин 17-чакырылышынын 10-кезексиз сессиясынын

2017-жылдын 15-сентябры № 4

Кара-Суу айыл аймагынын айыл өкмөтүнүн 2017-2019-жылдар аралыгында өнүгүүнүн стратегиялык планын кароо жана бекитүү жөнүндө

Кара-Суу айыл аймагынын айылдык Кенешинин төрагасы Ж.Иманкуловдун билдирүүсүн угуп жана талкуулап 10-кезексиз сессия

ТОКТОМ КЫЛАТ:

1. Кара-Суу айыл аймагынын айыл өкмөтүнүн 2017-2019-жылдар аралыгында өнүктүрүүнүн стратегиялык планы өзгөртүү, толуктоолору менен бекитилсин. Тиркеме тиркелет.

2. Стратегиялык пландын аткарылышын камсыз кылуу жагы айыл өкмөтүнүн башчысы Ш.Кабаевге тапшырылсын.

3. Токтомдун аткарылышын көзөмөлдөө жагын өзүмө калтырамын.

Кара-Суу айылдык Кеңешинин

 17-чакырылышынын 2017-жылдын

 15-сентябрындагы10-кезексиз

 сессиясынын № 4 токтому менен

Нарын облусу

Ат-Башы району

Кара-Суу айылдык аймагы

Кара-Суу айылдык аймагынын 2017- 2019- жылдарга карата жергиликтүү

Стратегиялык өнүгүү планы

Мазмуну:

Кириш сөз

Өнүгүү планын түзүү процесси

Элес

Миссия

Айыл аймактын профайлы

Тарыхий маалымат

Географиялык жайгашкан жери

Калк жана анынын курамы

Социалдык тармак

Айыл чарба

Туризм

Тейлөө

Кириш сөз

     Жергиликтүү өнүгүү стратегиясы - бул айыл аймакты келечекке карай, ар тармактуу өнүктүрүү боюнча планы болуп эсептелет. Айылыбыз өнүгүп, тургундарыбыз социалдык жактан камсыз болуп, киреше табуу үчүн баардык шарттар түзүлөөрүнө баардык аракеттерди жасайбыз. Бул аракеттер кадамдар менен сиз окуп жаткан өнүгүү планыбызда жазылган. Эгер сизде суроо же кандай дир бир сунуш пайда болсо, сурооңузга жооп берип, сунушуңузду карап чыкканга даярбыз. Күчүбүз – биримдикте. Бирге баардык мүдөөлөрдү чечип, жаркын келечекти чогуу куралы.

Урматоо менен, Кара-Суу айыл аймактынайыл өкмөт башчысы Ш.Кабаев

Стратегиялы өнүгүү планын түзүү процесси.

Кара-Суу айылдык аймагы Дүйнөлүк банктын каржылоосунун негизиндеги MSDSP KG - Кыргызстандын Тоолуу Аймактарындагы Жааматтардын Өнүгүүсүн Колдоо Программасынын Коомдук Фонду (Ага-Хан фондунун демилгеси) «Бирге» - Коомчулуктардын демилгелерин колдоо аркылуу социалдык биримдикти бекемдоо долбооруна пилоттук айыл аймак болуп тандалып алындык.

Өнүгүү планды түзүү боюнча атайын жумушчу топ түзүлдү. Жумушчу топко активдүү жаштарынан, аялдарынан, аксакалдарынан, жергиликтүү бийлик өкүлдөрүнөн жана коомчулуктун башка катмарларынын лидерлеринен адамдар тандалып алынып, айыл өкмөтүнүн деңгээлинде 31 адамдан турган жумушчу топ түзүлгөн. Жумушчу топтун мүчөлөрү өз айылдарындагы муктаждыктарды аныктап, аларды чечүү боюнча бир нече окутуулардан өтүшүп, билим алышты.

Өнүгүү планды түзүү процесинде жумушчу топ коомчулуктардын муктаждыктары аныктаган. Ар бир айылдагы коомчулуктарын муктаждыктарын аныктоо үчүн жумушчу топко атайын окутуулар өткөрүлгөн. Окутуулардан алган билимдерине таянып, атайын ыкмалар менен коомчулуктардагы муктаждыктарды аныкташкан.

Жумушчу топ өнүгүүнүн стратегиялык планын иштеп чыгышты. Коомчулуктарда муктаждыктар аныкталган соң, алардын арасынан тандалып алынган маанилүүлөрү Айыл аймактын стратегиялык планына киргизилип, ар бир айылда стратегиялык өнүгүү планды жарандарга тааныштыруу, ой-пикирлерин, кошумча сунуштарын алуу максатында коомдуук угуулар өткөрүлүп, жыйынтыгы менен депутаттардын айылдык Кеңешине сунушталып бекитилди.

Мындан тышкары айыл аймактын «Элеси» жана «Миссиясы» аныкталып, өнүгүү планында чечмеленген маанилери менен берилген.

Стратегиялык өнүгүү жолун аныктоо төмөндөгү диаграммада көрсөтүлгөн:

Кара-Суу айыл аймагынын Элеси

     Биз, Кара-Суу айыл аймагынын жашоочулары, келечекте айыл чарбасы, мал чарбасы өнүккөн, социалдык муктаждыктар толук чечилген, туризм жааты жолго коюлган, инфраструткурасы калыптанган, чакан ишканалар жана ишкерлердин бизнеси өнүккөн, жаштары адептүү, карылары наапаттуу сергек жашаган, тарыхын аздектей алган айыл деп көрөбүз.