КЫЗЫЛ-КЫЯ ШААРДЫК КЕӉЕШИ

ТОКТОМ

Кызыл–Кыя шаардык кеңешинин (VI чакырылышы) кезектеги 28-сессиясы

 

2020-жылдын 6-февралы №28/120

Кызыл-Кыя шаарынын 2020-жылга шаардын жергиликтүү бюджетин кабыл алуу жөнүндө

(Кызыл–Кыя шаардык кеңешинин 2020-жылдын 19-мартындагы №29/123 токтомунун редакциясына ылайык)

Күн тартибиндеги маселени карап жана талкуулап чыгып, «Жергиликтүү өз алдынча башкаруу жөнүндө» Кыргыз Республикасынын 2011-жылдын 15-июлундагы №101-Мыйзамынын 31-беренесине негиз, Кызыл-Кыя шаарынын 2020-жылга жергиликтүү бюджети жөнүндөгү маселе шаардык кенештин бюджет, финансы, экономика жана инвестицияны тартуу маселелери боюнча туруктуу комиссиясынын 2020-жылдын январындагы №77 протоколу менен каралып, такталгандыгын жана киргизилген сунуштардын негизинде түзүлгөндүгүн, маселени талкуулоодо депутаттар тарабынан берилген сунуштарды эске алып, Кызыл-Кыя шаардык кенешинин сессиясы

ТОКТОМ КЫЛАТ:

1.    Кызыл-Кыя шаарынын 2020-жылга бюджетинин кирешелери жана чыгашалары 139868,3 мин сом өлчөмүндө бекитилсин.

2.    2020-жылга шаардык бюджеттин кирешелерин түзүүчү булактары 1-тиркемеге ылайык бекитилсин (Тиркелет 1 барак).

3.    2020-жылга шаардык бюджеттин чыгаша бөлүгүнүн багыттары 2-тиркемеге ылайык бекитилсин (Тиркелет 1 барак).

4.    2020-жылга 704-экономикалык бөлүкчөдөгү бөлүгүнүн акча каражаттары 3-тиркемеге ылайык бекитилсин (Тиркелет 1 барак).

5.    Шаардык бюджеттик мекемелердин чыгашаларынын 2019-жылы каржыланбай калган кредитордук карыздары 3153,7 миң өлчөмүндө 2020-жылдын бюджетинин эсебинен жүргүзүлсүн.

6.    Шаардык кенештин 2018-жылдын 27-июнундагы №15/63-токтомунун негизинде “Кызыл-Кыя Сууканал” муниципалдык мекемесине Европа Өнүктүрүү жана Реконструкциялоо Банкынан (ЕБРР) алынган насыяны кайтарууга 3800,0 мин сомду төлөө жагы милдеттендирилсин.

7.    Шаардык бюджеттин 2020-жылдын 1-январына болгон эркин калдык 6189,5 мин сом, анын ичинен бюджет 4724,8 мин сом, атайын каражат 1464,7 мин сомду түзөт. Шаардын бюджетинин эркин калдыгы бюджет, финансы экономика жана инвестицияны тартуу маселелери боюнча туруктуу комиссиясынын протоколунун негизинде каржылансын. Атайын каражаттан калган калдык балдар бакчасына 1452,6 мин сом, маданият бөлүмүнө 12,1 мин сом 4-тиркемеге ылайык бөлүнүп берилсин (Тиркелет 1 барак).

8.    Шаардык кеӊештин депутаттары тарабынан берилген сунуштар шаардын жергиликтүү бюджетинин 2020-жылдын 01-январына болгон калдыктын жана 2020-жылдын ичинде үнөмдөлгөн акча каражатынын эсебинен 5-тиркемеге ылайык аткарылсын (Депутаттар тарабынан берилген сунуштардын тизмеси тиркелелет 1 барак).

9.    2020-жылдын 1-январына карата шаардык бюджет боюнча кассада жүгүртүлүүчү нак акча 100,0 мин сом өлчөмүндө бекитилсин.

10. Кызыл-Кыя шаарынын жергиликтүү өз алдынча башкаруусунда – мэриясында, шаардык кеӊеште, муниципалдык менчик департаментинде жана «Караван» аймактык башкармалыгында дайыма оргтехникаларды пайдалануу менен эмгектенген муниципалдык кызматкерге оргтехникаларды пайдалануудан келтирилүүчү зыяндар үчүн эмгек акыларына кошумча төлөөлөр 2020–жылдын 1–январынан баштап киргизилсин.

(Кызыл–Кыя шаардык кеңешинин 2020-жылдын 19-мартындагы №29/123 токтомунун редакциясына ылайык)

11. Кыргыз Республикасынын Өкмөтүнө караштуу Мамлекеттик Каттоо Кызматынын калкты жана жарандык абалдын актыларын каттоо департаментинин Баткен облусундагы Кызыл–Кыя шаарынын калкты паспорттоштуруу жана каттоо бөлүмүнүн шаардын «Караван» аймактык башкармалыгындагы жарандарды тейлөө үчүн 1,0 (бир) штаттык бирдиги ачылсын.

(Кызыл–Кыя шаардык кеңешинин 2020-жылдын 19-мартындагы №29/123 токтомунун редакциясына ылайык)

12. Ушул токтомдун аткарылышын көзөмөлгө алуу жагы Кызыл-Кыя шаардык кеңешинин бюджет, финансы, экономика жана инвестицияны тартуу маселелери боюнча туруктуу комиссиясына тапшырылсын.

(Кызыл–Кыя шаардык кеңешинин 2020-жылдын 19-мартындагы №29/123 токтомунун редакциясына ылайык)

 

 

Төрайым

У. Дарипова

 

Кызыл-Кыя шаардык кенешинин (VI чакырылышы) 2020-жылдын

06-февралындагы кезектеги

 28-сессиясынын № 28/120 токтомуна

1-тиркеме