КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2012-жылдын 27-августу ПЖ №156

Кыргыз Республикасынын Жогорку Кеңешинде парламенттик көпчүлүк коалициясын түзүү жөнүндө

Кыргыз Республикасынын Жогорку Кеңешинде фракциялардын "Биримдик" парламенттик көпчүлүк коалициясынын статусун жоготкондугуна байланыштуу. Кыргыз Республикасынын Конституциясынын 65-беренесин, 84-беренесинин 2- жана 7-бөлүктөрүн жетекчиликке алуу менен

ТОКТОМ КЫЛАМ:

1. Кыргызстан социал-демократиялык партиясы парламенттик фракциясына парламенттик көпчүлүк коалициясын түзүү жана 2012-жылдын 17-сентябрынан кечиктирбестен Кыргыз Республикасынын Премьер-министринин кызмат ордуна талапкерди көрсөтүүнү, Кыргыз Республикасынын Өкмөтүнүн программасын, түзүмүн жана курамын Кыргыз Республикасынын Жогорку Кеңеши тарабынан кароону жана бекитүүнү камсыз кылуу сунуш кылынсын.

2. Кыргызстан социал-демократиялык партиясы парламенттик фракциясы жаңы коалициялык макулдашуунун катышуучулары менен Премьер-министрдин талапкерлигин, Өкмөттүн программасын, түзүмүн жана курамын иштеп чыгууну макулдашуунун жүрүшүндө:

- аткаруу бийлик органдарынын системасынын иштешинде зарыл болгон укук улантуучулукту жана ырааттуулукту камсыз кылсын;

- Өкмөттүн иштеп жаткан курамынын, барыдан мурда ишкердик иш-аракеттерине мамлекеттик кийлигишүүнү минималдаштыруу, бюджеттер аралык мамилелерди өркүндөтүү маселелеринде оң жактарын жана иш тажрыйбаларын эске алсын;

- Кыргыз Республикасын региондук экономикалык союздарга интеграциялоо, экономикалык коопсуздукту жогорулатуу жана транспорттук инфраструктураларды өнүктүрүү боюнча долбоорлорду ишке ашыруу жагындагы күч-аракеттерди активдештирүүнүн актуалдуулугун көңүлгө алсын.

3. Бул Жарлык кол коюлган учурдан тартып күчүнө кирет.