КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2011-жылдын 9-июну № 532-V

"Кыргыз Республикасынын 2011-жылга республикалык бюджети жана 2012-2013-жылдарга болжолу жөнүндө" Кыргыз Республикасынын Мыйзамына өзгөртүүлөр киргизүү тууралуу" Кыргыз Республикасынын Мыйзамынын долбоорун биринчи окууда кабыл алуу жөнүндө

Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Өкмөтү тарабынан демилге көтөрүлгөн (2011-жылдын 27-майындагы № 260 токтом) "Кыргыз Республикасынын 2011-жылга республикалык бюджети жана 2012-2013-жылдарга болжолу жөнүндө" Кыргыз Республикасынын Мыйзамына өзгөртүүлөр киргизүү тууралуу" Кыргыз Республикасынын Мыйзамынын долбоору биринчи окууда кабыл алынсын.

2. Республикалык бюджеттен капиталдык салымдардын планын (2011-жылга республикалык бюджеттен каржылануучу капиталдык курулуш объекттеринин тизмеги) Кыргыз Республикасынын Жогорку Кеңеши менен макулдашуу бөлүгүндө "Кыргыз Республикасынын 2011-жылга республикалык бюджети жана 2012-2013-жылдарга болжолу жөнүндө" Кыргыз Республикасынын Мыйзамынын 15-беренесинин Кыргыз Республикасынын Өкмөтү тарабынан аткарылбагандыгы белгиленсин.

3. Кыргыз Республикасынын Өкмөтү төмөнкүлөрдөн бөлүнүп берилүүчү каражаттардын өз убагында келип түшүүсү камсыз кылсын:

- Кризиске каршы фонддон 106 млн. АКШ долл. өлчөмүндө (бюджетти колдоо);

- Европа коомдоштугунун комиссиясынын гранттарынан 988,8 млн. сом (15 млн. евро) суммасында - макрофинансылык колдоо.