КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2009-жылдын 6-майы № 276

Кыргыз Республикасынын Маданият жана маалымат министрлигинин маселелери

(КР Өкмөтүнүн 2009-жылдын 8-сентябрындагы N 564 токтомунун редакциясына ылайык)

Кыргыз Республикасынын Президентинин 2008-жылдын 4-сентябрындагы № 317 "Кыргыз Республикасынын Улуттук телерадиоберүү корпорациясын реформалоо боюнча кээ бир чаралар жөнүндө" Жарлыгына, Кыргыз Республикасынын Өкмөтүнүн 2008-жылдын 9-октябрындагы № 517 "Кыргыз Республикасынын Маданият жана маалымат министрлигине караштуу Кинематография боюнча департаментти түзүү жөнүндө" токтомуна ылайык Кыргыз Республикасынын Өкмөтү

ТОКТОМ КЫЛАТ:

1. Төмөнкү тиркелгендер бекитилсин:

- Кыргыз Республикасынын Маданият жана маалымат министрлиги жөнүндө жобо;

- Кыргыз Республикасынын Маданият жана маалымат министрлигинин башкаруу схемасы.

2. Кыргыз Республикасынын Маданият жана маалымат министрлигинин кызматкерлеринин сандык чеги (тейлөөчү персоналдан башкасы) 762 адам санында белгиленсин, анын ичинде борбордук аппарат - 53 адам; шаарлардын жана райондордун маданият жана маалымат башкармалары, бөлүмдөрү 191; Кинематография боюнча департамент - 11; Мамлекеттик архив агенттиги - 507 (анын ичинде Мамлекеттик архив агенттигинин борбордук аппараты - 23; архивдик мекемелер - 100; архивдик мекемелердин аймактык структуралары - 384).

(КР Өкмөтүнүн 2009-жылдын 8-сентябрындагы N 564 токтомунун редакциясына ылайык)

3. Кыргыз Республикасынын Маданият жана маалымат министрлиги өзүнүн чечимдерин ушул токтомго ылайык келтирсин.

4. Төмөнкүлөр күчүн жоготту деп табылсын:

- Кыргыз Республикасынын Өкмөтүнүн 2007-жылдын 13-апрелиндеги № 129 "Кыргыз Республикасынын Маданият жана маалымат министрлигинин маселелери" токтому;

- Кыргыз Республикасынын Өкмөтүнүн 2007-жылдын 28-сентябрындагы № 438 "Кыргыз Республикасынын Маданият жана маалымат министрлигинин маселелери жөнүндө" Кыргыз Республикасынын Өкмөтүнүн 2007-жылдын 13-апрелиндеги № 129 токтомуна өзгөртүүлөрдү жана толуктоолорду киргизүү тууралуу" токтому.

 

Кыргыз Республикасынын Маданият жана маалымат министрлигинин башкаруу СХЕМАСЫ