КР Өкмөтүнүн 2011-жылдын 28-февралындагы № 77 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2010-жылдын 13-сентябры №200

Кыргыз Республикасынын Энергетика министрлигинин алдындагы отун-энергетикалык комплексинин ачыктык демилгеси боюнча Байкоочу кеңеш жөнүндө

"Кыргыз Республикасынын отун-энергетикалык комплексинин ачыктык демилгеси жөнүндө" Кыргыз Республикасынын Президентинин 2010-жылдын 20-июлундагы № 49 Жарлыгына ылайык, ачыктык принцибин киргизүү, отун-энергетикалык комплексин башкаруудагы жана жөнгө салуудагы жоопкерчиликти арттыруу максатында Кыргыз Республикасынын Өкмөтү

ТОКТОМ КЫЛАТ:

1. Тиркелгендер бекитилсин:

Кыргыз Республикасынын Энергетика министрлигинин алдындагы отун-энергетикалык комплексинин ачыктык демилгеси боюнча Байкоочу кеңештин курамы (мындан ары - Байкоочу кеңеш);

- Байкоочу кеңеш жөнүндө Жобо.

2. Ушул токтом расмий жарыяланган күндөн тартып күчүнө кирет.

Кыргыз Республикасынын Энергетика министрлигинин алдындагы отун-энергетикалык комплексинин ачыктык демилгеси боюнча Байкоочу кеңештин КУРАМЫ

Кыргыз Республикасынын Энергетика министрлигинин статс-катчысы, Байкоочу кеңештин төрагасы;

Байкоочу кеңештин мүчөлөрү:

- Кыргыз Республикасынын Мамлекеттик мүлк министрлигинин башкармалыгынын начальниги;

- Кыргыз Республикасынын Финансы министрлигинин башкармалыгынын начальниги;

- Кыргыз Республикасынын Экономикалык тескөө министрлигинин башкармалыгынын начальниги;

- Кыргыз Республикасынын Социалдык фондунун төрагасынын орун басары (макулдашуу боюнча);

- отун-энергетикалык комплекси чөйрөсүндөгү жөнгө салуу боюнча ыйгарым укуктуу мамлекеттик органдын директорунун орун басары;

- "Электр станциялары" ачык акционердик коомунун башкы директорунун орун басары (макулдашуу боюнча);

- "Кыргызстандын улуттук электр тармактары" ачык акционердик коомунун башкы директорунун орун басары (макулдашуу боюнча);

- "Түндүк электр" ачык акционердик коомунун башкы директорунун орун басары (макулдашуу боюнча);

- "Ош электр" ачык акционердик коомунун башкы директорунун орун басары (макулдашуу боюнча);

- "Кыргыз газ" ачык акционердик коомунун башкы директорунун орун басары (макулдашуу боюнча);

"Кыргызжилкоммунсоюз" мамлекеттик ишканасынын директорунун орун басары (макулдашуу боюнча);

- Байкоочу кеңеш жөнүндө Жобого ылайык конкурстук негизде тандалып алынуучу коомдук уюмдардын 6 өкүлү.