КЫРГЫЗ РЕСПУБЛИКАСЫНЫН ӨКМӨТҮ

2011-жылдын 6-апрели № 141

Кыргыз Республикасынын ишканаларынын, мекемелеринин жана уюмдарынын кызматкерлерин аттестациялоодон өткөрүү тартиби жөнүндө типтүү жобону жана аттестациялоодон өтүүчү ишканалардын, мекемелердин жана уюмдардын кызматкерлеринин кызмат орундарынын тизмесин бекитүү жөнүндө

(КР Өкмөтүнүн 2018-жылдын 20-июнундагы № 289 токтомунун редакциясына ылайык)

Кыргыз Республикасынын Эмгек кодексинин 197-беренесин ишке ашыруу максатында Кыргыз Республикасынын Өкмөтү

ТОКТОМ КЫЛАТ:

1. Төмөнкү тиркелгендер бекитилсин:

- Кыргыз Республикасынын ишканаларынын, мекемелеринин жана уюмдарынын кызматкерлерин аттестациялоодон өткөрүү тартиби жөнүндө типтүү жобо;

- Аттестациялоодон өтүүчү ишканалардын, мекемелердин жана уюмдардын кызматкерлеринин кызмат орундарынын тизмеси.

2. Бул токтом расмий жарыяланган күндөн тартып күчүнө кирет.

Кыргыз Республикасынын Премьер-министри

А.Атамбаев

Кыргыз Республикасынын Өкмөтүнүн 2011-жылдын 6-апрелиндеги № 141 токтому менен бекитилген

Ишканалардын, мекемелердин жана уюмдардын аттестациялануучу кызматкерлеринин кызмат орундарынын ТИЗМЕСИ

(КР Өкмөтүнүн 2018-жылдын 20-июнундагы № 289 токтомунун редакциясына ылайык)

Башкы башкармалыктардын, башкармалыктардын, департаменттердин, борборлордун, инспекциялардын, бөлүмдөрдүн, кызматтардын, цехтердин, секторлордун, бюролордун, топтордун, бригадалардын, участкалардын, токой питомниктеринин, музейлердин, станциялардын, чарбалардын начальниктери (башчылары) жана алардын орун басарлары.