КЫРГЫЗ РЕСПУБЛИКАСЫНЫН ӨКМӨТҮ
ТОКТОМ
2013-жылдын 26-декабры № 708
"Кыргыз Республикасынын айрым мыйзам актыларына өзгөртүүлөрдү жана толуктоолорду киргизүү жөнүндө" Кыргыз Республикасынын Мыйзам долбоору жөнүндө
Кыргыз Республикасынын Конституциясынын 79-беренесине ылайык Кыргыз Республикасынын Өкмөтү
ТОКТОМ КЫЛАТ:
1. "Кыргыз Республикасынын айрым мыйзам актыларына өзгөртүүлөрдү жана толуктоолорду киргизүү жөнүндө" Кыргыз Республикасынын Мыйзам долбоору жактырылсын.
2. Аталган мыйзам долбоору Кыргыз Республикасынын Жогорку Кеңешинин кароосуна жөнөтүлсүн.
3. Кыргыз Республикасынын экономика министри жана Кыргыз Республикасынын Өкмөтүнө караштуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттигинин директору аталган мыйзам долбоорун Кыргыз Республикасынын Жогорку Кеңеши караган учурда Кыргыз Республикасынын Өкмөтүнүн расмий өкүлдөрү болуп дайындалышсын.
Премьер-министри |
| Ж.Сатыбалдиев |
КЫРГЫЗ РЕСПУБЛИКАСЫНЫН МЫЙЗАМЫ Кыргыз Республикасынын айрым мыйзам актыларына өзгөртүүлөрдү жана толуктоолорду киргизүү жөнүндө
1-берене.
"Кыргыз Республикасынын администрациялык-аймактык түзүлүшү тууралуу" Кыргыз Республикасынын Мыйзамына ("Эркин-Тоо" гезити, 2008-жылдын 8-майы, № 33) төмөнкүдөй өзгөртүүлөр жана толуктоо киргизилсин:
1. Бүткүл текст боюнча ар түрдүү жөндөмөдөгү "айылдык округ" деген сөздөр тиешелүү жөндөмөдө "айылдык аймак" деген сөздөргө алмаштырылсын.
2. Преамбула күчүн жоготту деп эсептелсин.
3. 1-беренеде:
аталышындагы "негизги түшүнүктөр" деген сөздөр "түшүнүктөр" деген сөзгө алмаштырылсын;
биринчи абзацтагы "негизги" деген сөз алып салынсын;
төртүнчү, жетинчи жана сегизинчи абзацтардагы "шаар тибиндеги кыштактар", "кыштактарды жана/же" жана "ошондой эле шаар тибиндеги поселок" деген сөздөр алып салынсын;
онунчу абзац күчүн жоготту деп эсептелсин.
4. 1-бап төмөнкүдөй мазмундагы 1-1-берене менен толукталсын:
"1-1-берене. Ушул Мыйзамдын жөнгө салуу предмети
Ушул Мыйзам Кыргыз Республикасынын администрациялык-аймактык түзүлүшүнүн (мындан ары - администрациялык-аймактык түзүлүш) түшүнүгүн, принциптерин, администрациялык-аймактык түзүлүшүнүн маселелерин чечүүнүн тартибин, администрациялык-аймактык бирдиктерди түзүү жана жоюу, алардын чек араларын белгилөө жана өзгөртүү, администрациялык-аймактык жана аймактык бирдиктерди эсепке алуу жана каттоо маселелерин, ошондой эле администрациялык-аймактык түзүлүш менен байланышкан башка маселелерди чечүүдө мамлекеттик бийлик жана жергиликтүү өз алдынча башкаруу органдарынын ыйгарым укуктарын аныктайт.".
5. 2-берене күчүн жоготту деп эсептелсин.
6. 4-беренедеги 1, 3-6-бөлүктөр күчүн жоготту деп эсептелсин.