Кыргыз Республикасынын Өкмөтүнүн

2002-жылдын 3-сентябрындагы № 603 токтомуна

ылайык күчүн жоготкон

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2001-жылдын 21-майы № 236

"Кыргыз Республикасынын Премьер-министр Аппаратынын

структурасы жөнүндө" Кыргыз Республикасынын

Өкмөтүнүн 2001-жылдын 3-январындагы

№ 2 токтомуна өзгөртүүлөрдү жана

толуктоолорду киргизүү

тууралуу

"Кыргыз Республикасынын Өкмөтү жөнүндө" Кыргыз Республикасынын Мыйзамынын 31-статьясына ылайык Кыргыз Республикасынын Өкмөтү

ТОКТОМ КЫЛАТ:

1. "Кыргыз Республикасынын Премьер-министр Аппаратынын структурасы жөнүндө" Кыргыз Республикасынын Өкмөтүнүн 2001-жылдын 3-январындагы № 2 токтому менен бекитилген, Кыргыз Республикасынын Премьер-министр Аппаратынын структурасына жана штаттык санына тиркемеге ылайык өзгөртүү жана толуктоо киргизилсин.

2. Кыргыз Республикасынын Премьер-министр Аппаратынын Жетекчиси:

- Кыргыз Республикасынын Премьер-министр Аппаратынын структуралык подразделениелеринин ортосунда функцияларды кайра бөлүштүрсүн жана киргизилген өзгөртүүлөрдү эске алуу менен аларды жүргүзүү чөйрөсүнүн маселелерин аныктасын;

- бошогон кызматкерлерди ишке орноштурууга байланыштуу маселелерди белгиленген тартипте чечсин;

- Кыргыз Республикасынын Премьер-министр Аппаратынын жаңыдан түзүлгөн структуралык подразделениелери жөнүндө жобону бир айлык мөөнөттө иштеп чыксын жана Кыргыз Республикасынын Премьер-министринин кароосуна киргизсин.

3. Бул токтомдун аткарылышын көзөмөлдөө Кыргыз Республикасынын Премьер-министр Аппаратынын мамлекеттик кызмат, жергиликтүү мамлекеттик админисрациялар, жергиликтүү өз алдынча башкаруу органдары бөлүмүнө жана юридика бөлүмүнө тапшырылсын.