КЫРГЫЗ РЕСПУБЛИКАСЫНЫН ӨКМӨТҮ

2014-жылдын 13-майы № 257

Кыргыз Республикасыныи Өкмөтүнүн 2005-жылдын 22-декабрындагы № 606 «Уул (кыз) бала асырап алган кызматкерлерге отпуска берүү тартибин бекитүү жөнүндө» токтомуна өзгөртүүлөрдү киргизүү тууралуу

Бала асырап алган кызматкерлерге өргүү берүү тартибин Кыргыз Республикасыныи Эмгек кодексинин 137-беренесине жана Кыргыз Республикасыныи Балдар жөнүндө кодексинин 60-берепесине шайкеш келтирүү максатында, "Кыргыз Республикасыныи Өкмөтү жөнүндө" Кыргыз Республикасыныи конституциялык Мыйзамынын 10 жана 17-беренелерин жетекчиликке алып Кыргыз Республикасыныи Өкмөтү

ТОКТОМ КЫЛАТ:

1. Кыргыз Республикасыныи Өкмөтүнүн 2005-жылдын 22-декабрындагы № 606 «Уул (кыз) бала асырап алган кызматкерлерге отпуска берүү тартибин бекитүү жөнүндө» токтомуна төмөнкүдөй өзгөртүүлөр киргизилсин:

- мамлекеттик тилдеги текстинде:

токтомдун аталышы төмөнкүдөй редакцияда берилсин: «Бала асырап алган кызматкерлерге өргүү берүү тартибин бекитүү жөнүндө»;

1-пункту төмөнкүдөй редакцияда берилсин:

«1. Бала асырап алган кызматкерлерге өргүү берүүнүн тиркелген тартиби бекитилсин.»;

2-пунктундагы «уул (кыз)» деген сөздөр алып салынсын;

- жогоруда аталган токтом менен бекитилген Уул (кыз) бала асырап алган кызматкерлерге отпуска берүү тартибинде:

мамлекеттик тилдеги текстинин аталышы төмөнкүдөй редакцияда берилсин:

«Бала асырап алган кызматкерлерге өргүү берүү тартиби»;

бүткүл текст боюнча ар түрдүү жөндөмөлөрдөгү «уул (кыз) бала асырап алган» жана «уул (кыз) баланы (балдарды) асырап алган» деген сөздөр тийиштүү жөндөмөлөрдө «бала асырап алган» деген сөздөр менен алмаштырылсын;