КЫРГЫЗ РЕСПУБЛИКАСЫНЫН ӨКМӨТҮ

2016-жылдын 25-февралы № 81

Кыргыз Республикасынын Өкмөтүнүн 2011-жылдын 30-майындагы № 264 "Кыргыз Республикасынын балдар-өспүрүмдөр спорттук мектеби, олимпиялык резервдеги адистештирилген балдар-өспүрүмдөр мектеби, республикалык олимпиялык резервдеги адистештирилген балдар-өспүрүмдөр мектеби жөнүндө типтүү жобону бекитүү тууралуу" токтомуна өзгөртүүлөрдү жана толуктоолорду киргизүү жөнүндө

Балдар-өспүрүмдөр спорттук мектептеринин ишин өркүндөтүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2011-жылдын 30-майындагы № 264 "Кыргыз Республикасынын балдар-өспүрүмдөр спорттук мектеби, олимпиялык резервдеги адистештирилген балдар-өспүрүмдөр мектеби, республикалык олимпиялык резервдеги адистештирилген балдар-өспүрүмдөр мектеби жөнүндө типтүү жобону бекитүү тууралуу" токтомуна төмөнкүдөй өзгөртүүлөр жана толуктоолор киргизилсин:

жогоруда аталган токтом менен бекитилген Кыргыз Республикасынын балдар-өспүрүмдөр спорттук мектеби, олимпиялык резервдеги адистештирилген балдар-өспүрүмдөр мектеби, республикалык олимпиялык резервдеги адистештирилген балдар-өспүрүмдөр мектеби жөнүндө типтүү жободо:

- 4-пункттагы "Юридикалык" деген сөз "Почталык" деген сөз менен алмаштырылсын;

- төмөнкүдөй мазмундагы 9-1-пункт менен толукталсын:

"9-1. РОРАБӨМ спорттун жайылтылган түрлөрү боюнча курама командалардын курамдарын курак боюнча түзөт жана бекитилген бюджеттердин чегинде спорттук-массалык иш-чаралардын календарлык планына ылайык иш-чараларды каржылайт.";

- 17-пункт "фехтование" деген сөздөн кийин ", сууда сүзүү" деген сөздөр менен толукталсын;

- 19-пунктта:

мамлекеттик тилдеги текст "окуу-машыгуу жыйындарын" деген сөздөрдөн кийин ", ошондой эле спорттук лагерлерде 18 күнгө чейин спорттук-ден соолукту чыңдоо жыйындарын" деген сөздөр жана цифралар менен толукталсын;

расмий тилдеги текст "к международным соревнованиям" деген сөздөрдөн кийин ", а также спортивно-оздоровительные сборы в спортивном лагере до 18 дней" деген сөздөр жана цифралар менен толукталсын;

- 27-пунктта: