КЫРГЫЗ РЕСПУБЛИКАСЫНЫН ӨКМӨТҮ

2017-жылдын 28-февралы № 129

Башкаруучу компанияларды тандоо укугун пайдаланбаган камсыздандырылган адамдардын пайдасына түзүлгөн пенсиялык топтоо каражаттарын Кыргыз Республикасынын Социалдык фонду тарабынан башкаруунун эрежелерин бекитүү тууралуу

(КР Өкмөтүнүн 2018-жылдын 15-январындагы № 23, 2018-жылдын 27-сентябрындагы № 448, КР Министрлер Кабинетинин  2022-жылдын 11-январындагы № 73 токтомдорунун редакцияларына ылайык)

Пенсиялык топтоо каражаттарын башкаруу үчүн зарыл болгон шарттарды түзүү максатында, "Кыргыз Республикасында мамлекеттик социалдык камсыздандыруу боюнча пенсиянын топтоо бөлүгүн каржылоо үчүн каражаттарды инвестициялоо жөнүндө" Кыргыз Республикасынын Мыйзамынын 5-беренесине, "Кыргыз Республикасынын Өкметү' жөнүндө" Кыргыз Республикасынын конституциялык Мыйзамынын 10 жана 17-беренелерине ылайык, Кыргыз Республикасынын Өкмөтү

ТОКТОМ КЫЛАТ:

1. Башкаруучу компанияларды тандоо укугун пайдаланбаган камсыздандырылган адамдардын пайдасына түзүлгөн пенсиялык топтоо каражаттарын Кыргыз Республикасынын Социалдык фонду тарабынан башкаруунун эрежелери тиркемеге ылайык бекитилсин.

2. Ушул токтом расмий жарыяланууга тийиш жана 2017-жылдын 1-январынан тартып күчүнө кирет.

Премьер-министри

С. Жээнбеков

Кыргыз Республикасынын Өкмөтүнүн 2017-жылдын 28-февралындагы № 129 токтому менен бекитилген

Башкаруучу компанияларды тандоо укугун пайдаланбаган камсыздандырылган адамдардын пайдасына түзүлгөн пенсиялык топтоо каражаттарын Кыргыз Республикасынын Социалдык фонду тарабынан башкаруунун ЭРЕЖЕЛЕРИ

(КР Өкмөтүнүн 2018-жылдын 15-январындагы № 23, 2018-жылдын 27-сентябрындагы № 448, КР Министрлер Кабинетинин  2022-жылдын 11-январындагы № 73, 2022-жылдын 8-сентябрындагы № 487 токтомдорунун редакцияларына ылайык)

1. Негизги жоболор

1. Ушул Эрежелер Башкаруучу компанияларды тандоо укугун пайдаланбаган камсыздандырылган адамдардын пайдасына түзүлгөн пенсиялык топтоо каражаттарын Кыргыз Республикасынын Социалдык фонду тарабынан башкаруунун тартибин жана негизги принциптерин белгилейт (мындан ары - Эрежелер).

2. Кыргыз Республикасынын Социалдык фонду (мындан ары - Социалдык фонд) пенсиялык топтоо каражаттарын башкарууну камсыздандырылган адамдардын кызыкчылыктарында гана, ушул Эрежелерге жана Кыргыз Республикасынын мыйзамдарына ылайык диверсификациялоо, ишенимдүүлүк, өтүмдүүлүк, кирешелүүлүк жана кайтарымдуулук принциптерин камсыз кылуу зарылчылыгына ылайык жүзөгө ашырат.