ТОКТОГУЛ ШААРДЫК КЕНЕШИ
ТОКТОМ
Токтогул шаардык кеңешинин XXVIII чакырылышынын кезексиз XXХ сессиясы
2020-жылдын 4-декабры № 31
2020-жылдын 9 (тогуз) ай ичинде жергиликтүү бюджеттин аткарылышы, 07.02.2020-жылдагы № 06 токтомуна өзгөртүү жана толуктоо киргизүү жөнүндө
Кыргыз Республикасынын “Жергиликтүү өз алдынча башкаруу жөнүндө” мыйзамына, “Бюджеттик Кодекстин” талаптарына жана Токтогул шаардык кеңешинин иш планына ылайык, Токтогул шаарынын вице-мэри Н.Көчөрканованын 03.12.2020-жылдагы №01-34/552 сунушу боюнча “Бюджет, экономика, финансы каражаттары, чакан жана орто бизнес, менеджмент, маркетинг кызматы, кредит жана инвестициялар боюнча”туруктуу комиссиянын корутундусун, депутаттардын башка сунуш пикирлерин угуп жана талкуулап, Токтогул шаардык кеңешинин XXVIII чакырылышынын кезектеги XXX сессиясы
ТОКТОМ КЫЛАТ:
- 2020-жылдын 6 ай ичинде бюджеттин киреше бөлүгү 33 425,0 миң сомго, анын ичинен атайын каражат 2662,0 миң сом, жалпысынан 89,5% аткарылгандыгы, чыгаша бөлүгү 26773,7 миң сомго, анын ичинен атайын каражат 2351,3 миң сомго аткарылгандыгы белгиленсин.
- Шаардык кеңештин 07.02.2020-жылдагы кезектеги ХХ сессиясынын № 06 токтомуна өзгөртүү, толуктоо киргизүү боюнча туруктуу комиссиянын корутундусу айрым өзгөртүүлөр менен тиркемеге ылайык бекитилсин.
3. Корутундуга ылайык, үнөмдөлгөн жана кыскартуудан алынган акча каржатынын жалпы суммасы 1760,8 миң сом (1-таблица), бул акча каражаты ушул токтомдун тиркемесинде көрсөтүлгөн багыттарда чыгымдалсын (2-таблица).
- Билим берүү тармагынын электр энергиясына каралган акча каражатынан 250,0 миң сом шаар ичиндеги түнкү жарыктандыруу үчүн колдонулган электр энергиясына төлөө үчүн жумшалсын.
- 07.02.2020-жылдагы № 06 токтомунун 5-тиркемесинин 29-пункту менен 2215 статьясына бекитилген сумманын эсебинен 90,0 миң сом акча каражаты ушул тиркеменин 34-пункту 2511 статьясына кошумча бөлүнүп берилсин.
- КОВИД -19 пандемиясы убагында Хельветасс Свисс Интеркооперейшн Ассоциациясынын Кыргыз Республикасындагы филиалы тарабынан муниципалитетти убактылуу колдоо үчүн берилген акча каражатынын эсебинен “Ыңгайлуу шарт” МИ Токтогул шаардык мэриясына 197,0 миң сомдук иш аткарып бергендиги (трубалар, тактачаларды орнотуу) эске алынсын.
- Ушул токтом менен киргизилген өзгөртүүлөр боюнча планга тактоо киргизүү Токтогул шаарынын мэриясынын ФЭБ башчысына (Н.Кулузакова) милдеттендирилсин.
- Токтомду аткаруу жоопкерчилиги Токтогул шаарынын мэрине (Б.Т.Болгонбеков) жүктөлсүн.
- Токтом мамлекеттик тилде кабыл алынды.
- Токтомдун аткарылышын көзөмөлдөө бюджетке байланышкан маселелер боюнча туруктуу комиссиясына (А.Дербишев) тапшырылсын.
- Бул токтом Токтогул шаардык кеңешинин www.toktogul.kg вебсайтына жайгаштырылган күндөн баштап күчүнө кирет.
Төрага | М.Н.Жусупахунов |
Токтогул шаардык кеңешинин XXVIII чакырылышынын
04.12.2020-жылдагы кезектеги XXX сессиясынын
№31 токтому менен бекитилди
Тиркеме
2020-жылы 9 (тогуз) айдын жыйынтыгы менен үнөмдөлгөн жана каскартуудан алынган акча каражаттарынын ачыктамасы
Таблица 1
| № | Мазмуну | Сумма (миң сом) | |
| 1 | Көчөгө отургучтарды (скамейка), таштанды салуучу урналарды жасатуудан (конкурстун жыйынтыгы менен) | 158,0 | |
| 2 | Жасалма балаты куруудан (конкурстун жыйынтыгы менен) | 20,0 | |
| 3 | Балдар бакчаларга тамак аш үчүн каралган каражаттан (КОВИД -19 пандемиясына байланыштуу колдонулбай калган каражат) | 1200,0
| |
| 4 | Жер сатуудан түшкөн каражат | 337,8 | |
| 5 | 07.02.2020-жылдагы № 06 токтомунун 5-тиркемесинин 75-пункту менен каралган суммадан кыскартылсын | 45,0 | |
|
| Жалпы: | 1760,8 | |
Жогоруда үнөмдөлгөн жана кыскартуудан алынган 1760,8 миң сомду чыгымдоо багыттары
Таблица 2 |
| |||
№ | Мазмуну | Статья | Сумма (миң сом) |
1 | “Токтогул” футбол клубунун сапар чыгымына | 2211 | 15,0 |
2 | Шаардын ички көчөлөрүнө суу кетүүчү орнотулган трубаларга | 2215 | 96,0 |
3 | А.Суеркулов көчөсүнө орнотулган накыл сөздөр жазылган тактачаларга | 2215 | 101,0 |
4 | Таштанды төгүлүүчү жайды тейлөөгө (кошумча) | 2215 | 120,0 |
5 | Токтогул шаардык мэриясы, шаардык кеңештин корреспонденциялары үчүн төлөөгө | 2215 | 15,0 |
6 | Токтогул шаарындагы социалдык объекттерге өрт коопсуздугу боюнча шаймандарга | 2222 | 223,4 |
7 | Шайлоо участокторун керектүү жабдуулар менен камсыздоого | 2222 | 25,5 |
8 | Таласбай кичи районундагы ФАПка (насос, аристон, электр жабдууларын алмаштырууга) | 2222 | 16,8 |
9 | “Таза Суу” программасын ишке ашыруу боюнча келишимдин 1% төлөмүнө | 2511 | 635,1 |
10 | Союз МСУ (взнос) | 2621 | 18,8 |
11 | С.Наралиевага материалдык жардамга | 2721 | 15,0 |
12 | Жусупжанов Кубанычбекке (Кыргызстандын курама командасында самбо боюнча машыгуучу) | 2721 | 30,0 |
13 | “Наристе балдар бакчасына 6 конфоркалуу плита алууга | 3112 | 105,0 |
14 | “Наристе” балдар бакчасына компьютер, түстүү принтер алууга | 3112 | 50,0 |
15 | “Арча Бешик” балдар бакчасына килем, дорожкаларды алууга | 3112 | 142,5 |
16 | “Байчечекей” балдар бакчасына 6 конфоркалуу плита алууга (кошумча) | 3112 | 61,5 |
17 | “Күн Нуру” балдар бакчасына компьютер, түстүү принтер алууга | 3112 | 50,0 |
18 | “Достук” балдар бакчасына компьютер алууга (процессор, монитор, клавиатура ж.б) | 3112 | 40,2 |
| Жалпы: |
| 1760,8 |
Төрага: М.Н.Жусупахунов