МАРГУН АЙЫЛДЫК КЕҢЕШИ

ТОКТОМ

Маргун айылдык Кеңешинин IV чакырылышынын кезектеги I сессиясынын

 

2020-жылдын 27-январь № 1

“Маргун  айыл Өкмөтүнүн 2019-жылдагы бюджетинин аткарылышы, Маргун айыл Өкмөтүнүн 2020-жылга бюджетин  бекитүү  жана 2021-2022-жылдарга бюджеттин доолбоорун кабыл алуу жөнүндө”

  Маргун айыл Өкмөтүнүн 2019-жылдын  бюджетинин аткарылышы  жана  2020-жылга жергиликтуу  бюджети жана 2021-2022-жылдарга бюджеттин долбоору жөнүндөгү  Маргун айыл Өкмөтүнүн финансы жана экономика бөлүмүнүн башчысы  К.Маасалиевдин билдирүүсүн жана айылдык Кеңештин бюджет жана экономика боюнча туруктуу комиссиянын 2020-жылдын 23-январындагы    отурумунун сунуштарын карап чыгып,  Кыргыз Республикасынын  2016-жылдын 16-майындагы № 60 мыйзамы менен колдонууга киргизилген, “Кыргыз Республикасынын бюджеттик кодексинин”  жана “ Жергиликтүү өз алдынча башкаруу жөнүндөгү” Кыргыз Республикасынын 2020-жылга Республикалык бюджети жана 2021-2022-жылдарга долбоору жөнүндө мыйзамдарынын талаптарына ылайык түзүлгөндүгүн белгилейт. Жогорудагылардын  негизинде   депутаттардын  Маргун айылдык Кеңешинин кезектеги сессиясы

ТОКТОМ КЫЛАТ:

1. Маргун айыл  Өкмөтүнүн 2019-жылга кабыл алынган жергиликтүү бюджетине жыл ичинде өзгөрүүлөр жана толуктоолор менен,жалпы жыл ичинде аткарылган бюджет 12899,8 мин сом эсебинде киреше жана чыгашалары № 1-2 –тиркемеге ылайык  бекитилсин.  (№1,2 тиркеме тиркелет).

2.1. Маргун айыл Өкмөтүнүн 2020-жылга бюджетинин  жалпы  киреше жана чыгашалары 13167,5 мин сом суммасында  № 3-4  тиркемеге ылайык бюджет суммасы -12388,3 мин сом, жана № 3,1 -4,1 тиркемеге ылайык атайын эсептин  суммасы -779,2 мин сом  бекитилсин. (тиркемелер тиркелет).

2.2 . 2020-жылга Маргун айыл Өкмөтүнүн бюджетинин  чыгашаларынын  3312,2 мин сом жетишпестиктерин кошумча каржылап берүү  жагы Кыргыз Республикасынын каржы министрлигинен суралсын.

3. Маргун айыл Өкмөтүнүн бюджетинин долбоорунун киреше жана чыгашалары 2021-жылга 13555,7 мин сом жана 2022-жылга  13790,7 мин сом суммасында жактырылсын  (№ 5 № 6 тиркеме тиркелет).

4.  Маргун айыл Өкмөтүнүн бюджетине 2020-2021-2022-жылдарга  Республикалык бюджеттен берилүүчү  тендештирилүүчү гранттын өлчөмдөрү  № 7 –тиркемеге ылайык бекитилсин. Тендештирүүчү  грант биринчи кезекте  эмгек акыга, соц фондуна чегерүүгө жана комуналдык  чыгымдардын артыкчылыктуу багыттарын каржылоого  жана бул  секторлор боюнча  чыгымдардын минималдык  денгээлин толуктоого жумшала тургандыгы белгиленсин.

5. Кыргыз Республикасынын Финансы министрлигинин Лейлек башкармалыгы аркылуу Маргун айылдык Кеңешинин аймагынан чогулган салыктар, жыйымдар жана атайын каражаттардын бюджетке чегерүү нормалары № 8 тиркемеге  ылайык  Маргун айыл Өкмөтүнүн эсебине топтоштурулуп чыгымдалышына жетишилсин.

6. Айыл Өкмөтүнүн бюджетинин чыгашаларын  каржылоо, анын киреше бөлүгүнүн аткарылган өлчөмдө жүргүзүлө тургандыгы .Анын ичинен биринчи кезекте корголуучу  статьялар боюнча эмгек акыларды төлөөгө, социалдык фондуга чегерүүгө, комуналдык чыгымга , жумшала тургандыгы белгиленсин.

7.Маргун айыл Өкмөтүнүн бюджетине өзгөртүүлөр айылдык Кеңештин  сессиясында жактырылгандан кийин аткарууга алынары белгиленсин.

8. Маргун айылдык өкмөтүнүн бюджети боюнча 2020-жылдын 1-январына карата жүргүзүлүүчү кассалык накталай акча 50,0 мин сом  суммасында белгиленсин.

9. Маргун айыл Өкмөтүнүн 2020-жылга каралган бюджети 2020-жылдын 1-январынан баштап ишке киргизилсин.

11. Бул чечимдин аткарылышын көзөмөлгө алуу Маргун айылдык Кеңешинин алдында түзүлгөн экономика, план,бюджет жана айыл чарбасы боюнча түзүлгөн туруктуу комиссияга жүктөлсүн.