КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2022-жылдын 14-апрели № 216

"Кыргыз Республикасыныи Юстиция министрлигине караштуу Жазаларды аткаруу кызматынын Курулуп жаткан объектилердин дирекциясы" мекемесин түзүү жөнүндө

(КР Министрлер Кабинетинин 2025-жылдын 10-мартындагы N 124 токтомунун редакциясына ылайык )

Курулуштун натыйжалуулугун жогорулатуу, негизги фонддорду, эмгектик, материалдык ресурстарды, капиталдык салымдарды пайдаланууну жакшыртуу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. "Кыргыз Республикасынын Юстиция министрлигине караштуу Жазаларды аткаруу кызматынын Курулуп жаткан объектилердин дирекциясы" мекемеси түзүлсүн.

3. Түзүлүп жаткан мекемени күтүүгө каражаттар мекеменин реалдуу эсептик керектөөлөрүнө жараша негизги капиталга (капиталдык салымдардын) инвестициялардын көлөмүнүн 2,9 пайызына чейинки өлчөмүндө каралат деп белгиленсин. Мында мекеменин чыгашаларга болгон муктаждыгы зарыл иш-чаралардын негиздүү эсептөөлөрүнүн жана укук коргоо органдарынын эркин жалданган жана жарандык персоналына эмгек акы төлөө чөйрөсүндөгү мыйзамдарга ылайык эмгек акы фондунун негизинде түзүлөт.

4. (КР Министрлер Кабинетинин 2025-жылдын 10-мартындагы N 124 токтомунун редакциясына ылайык күчүн жоготту)

5. Кыргыз Республикасынын Юстиция министрлиги:

- езүнүн чечимдерин бул токтомго ылайык келтирсин;

- бул токтомдон келип чыгуучу башка чараларды көрсүн.

6. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Мииистрлер Кабинетинин чечимдерин аткарууну контролдоо башкармалыгына жүктөлсүн.

7. Бул токтом расмий жарыяланган күндөн тартып он күн өткөндөн кийин күчүнө кирет.

Кыргыз Республикасынын Министрлер Кабинетинин Төрага:

А.У. Жапаров

"Кыргыз Республикасынын Юстиция министрлигине караштуу Жазаларды аткаруу кызматынын Курулуп жаткан объектилердин дирекциясы" мекемесинин уставы

1. Жалпы жоболор

1. Бул Устав "Кыргыз Республикасынын Юстиция министрлигине караштуу Жазаларды аткаруу кызматынын Курулуп жаткан объектилердин дирекциясы" мекемесинин (мындан ары -Мекеме) ишин, негизги укуктарын, милдеттерин жана Кыргыз Республикасынын жазык-аткаруу тутумунун объектилерин (имараттарын, курулмаларын жана алардын комплекстерин, коммуникацияларын) өзгөртүү (кеңейтүү, модернизациялоо, реконструкциялоо, реставрациялоо, капиталдык оңдоо) жана (же) жаңыларын куруу, ошондой эле курулуш, монтаждоо, атайын жана башка жумуштарды аткаруу менен байланышкан милдеттерди пландоодо жана ишке ашырууда Мекеменин жоопкерчилигин регламенттейт.

2. Мекеме өзүнүн ишинде Кыргыз Республикасынын Конституциясын, Кыргыз Республикасы катышуучу болуп саналган эл аралык келишимдерди, Кыргыз Республикасынын конституциялык мыйзамдарын, мыйзамдарды, башка ченемдик укуктук актыларды, ошондой эле ченемдик-техникалык документтерди жана архитектура, курулуш жана турак жай-коммуналдык чарба чөйрөсүндөгү ыйгарым укуктуу мамлекеттик органдын методикалык көрсөтмөлөрүн жана ушул Уставды жетекчиликке алат.

3. Мекеме юридикалык жак болуп саналат жана уюштуруу-укуктук жактан - мекеме формасында иш алып барат. Мекеме Кыргыз Республикасынын Юстиция министрлигине караштуу Жазаларды аткаруу кызматынын (мындан ары - ЖАК) карамагында турат. Уюштуруучусу Кыргыз Республикасынын Министрлер Кабинети болуп эсептелет.

4. Мекеменин толук фирмалык аталышы:

- мамлекеттик тилде: "Кыргыз Республикасынын Юстиция министрлигине караштуу Жазаларды аткаруу кызматынын Курулуп жаткан объектилердин дирекциясы" мекемеси";