КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2023-жылдын 19-октябры № 555

Кыргыз Республикасынын Өкмөтүнүн интеллектуалдык менчик чөйрөсүндөгү айрым чечимдерине өзгөртүүлөрдү киргизүү жөнүндө

"Товардык белгилер, тейлөө белгилери, географиялык көрсөтмөлөр жана товарлар чыгарылган жерлердин аталыштары жөнүндө" Кыргыз Республикасынын Мыйзамынын 1, 9, 10, 22 жана 54-беренелерин ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Өкмөтүнүн 2000-жылдын 24-августундагы № 520 "Товардык белгилер, тейлөө белгилери жана товар чыгарылган жерлердин аталыштары жөнүндө" Кыргыз Республикасынын Мыйзамын ишке ашыруу тууралуу" токтомуна төмөнкүдөй өзгөртүүлөр киргизилсин:

1) аталышы "белгилери" деген сөздөн кийин ", географиялык көрсөтмөлөр" деген сөздөр менен толукталсын;

2) преамбула "белгилери" деген сөздөн кийин ", географиялык көрсөтмөлөр" деген сөздөр менен толукталсын;

3) жогоруда аталган токтом менен бекитилген Кыргыз Республикасында жалпыга белгилүү товардык белгилер жөнүндө жободо:

- преамбуланын экинчи абзацы төмөнкүдөй редакцияда баяндалсын:

"Бул Жобо "Товардык белгилер, тейлөө белгилери, географиялык көрсөтмөлөр жана товарлар чыгарылган жерлердин аталыштары жөнүндө" Кыргыз Республикасынын Мыйзамына ылайык иштелип чыккан жана Кыргыз Республикасында жалпыга белгилүү товардык белгилерди таанууга байланышкан мамилелерди жөнгө салат.";

- 4-пункттагы "жалпыга белгилүү товардык белгилердин Реестрине" деген сөздөр "Реестрге" деген сөздөргө алмаштырылсын;

- 7-пункттун төртүнчү абзацындагы "дүйнөлүк рынокто" деген сөздөрдөн кийин ", анын ичинде Интернет тарамында жана домендик аталышта" деген сөздөр менен толукталсын;

- 9-пунктта:

биринчи абзац "кызыкдар адамдын" деген сөздөрдөн кийин "Товардык белгилер, тейлөө белгилери, географиялык көрсөтмөлөр жана товарлар чыгарылган жерлердин аталыштары жөнүндө" Кыргыз Республикасынын Мыйзамынын (мындан ары - Мыйзам) 22-беренесинин 1-бөлүгүндө жана 23-беренесинин 1-бөлүгүндө көрсөтүлгөн" деген сөздөр менен толукталсын;

экинчи абзац төмөнкүдөй редакцияда баяндалсын:

"Жалпыга белгилүүлүккө талапкер болгон товардык белги менен катталган товардык белгинин ортосунда талаш келип чыккан учурда каттоосу күмөн туудуруп жаткан товардык белгинин катталгандыгы жөнүндө маалыматтар расмий жарыяланган күндөн тартып беш жылдан кечиктирбестен Апелляциялык кеңешке арыз берилүүгө тийиш.";

- 10-пунктта:

биринчи абзацтагы "мүмкүн" деген сөз "керек" деген сөзгө алмаштырылсын;