КЫРГЫЗ РЕСПУБЛИКАСЫНЫН ӨКМӨТҮНҮН ЖАНА

КЫРГЫЗ РЕСПУБЛИКАСЫНЫН ӨНӨР-ЖАЙ,

ЭНЕРГЕТИКА ЖАНА ЖЕР КАЗЫНАСЫН ПАЙДАЛАНУУ

МАМЛЕКЕТТИК КОМИТЕТИ

БУЙРУК

2019-жылдын 29-октябры №01-7/429

 Бишкек шаарынын ЖЭБинде жагуу үчүн таштак отунду тандоо тартибин жана шарттарын бекитүү жөнүндө

Кыргыз Республикасынын Өкмөтүнүн 2014-жылдын 15-сентябрындагы № 530 «Кыргыз Республикасынын Өкмөтүнүн айрым ченем жаратуу ыйгарым укуктарын аткаруу бийлигинин бир катар мамлекеттик органдарына өткөрүп берүү жөнүндө» токтомуна ылайык

БУЙРУК КЫЛАМ:

1. Бишкек шаарынын ЖЭБинде жагуу үчүн таштак отунду тандоо тартиби жана шарттары тиркемеге ылайык бекитилсин.

2. Электр энергетикасы башкармалыгына:

Бул буйрук катталган күндөн баштап үч күн ичинде төмөндөгүлөр боюнча чараларды кабыл алсын:

1) буйрукту «Эркин-Тоо» гезитинде расмий жарыялоо;

2) Кыргыз Республикасынын Өкмөтүнүн жана Кыргыз Республикасынын Өнөр-жай, энергетика жана жер казынасын пайдалануу мамлекеттик комитетинин веб-сайттарына жайгаштыруу;

расмий жарыялангандан күндөн баштап бир жумушчу күндүн ичинде буйруктун мамлекеттик жана расмий тилиндеги көчүрмөсүн кагаз жана электрондук түрүндө, жарыяланган булагын көрсөтүү менен Кыргыз Республикасынын Юстиция министрлигине Ченемдик укуктук актылардын мамлекеттик реестрине киргизүү үчүн жиберүү;

буйрук күчүнө кирген күндөн баштап бир жумушчу күндүн ичине буйруктун көчүрмөсүн Кыргыз Республикасынын Өкмөтүнүн Аппаратына маалымат үчүн жиберүү.

3. Ушул буйрук расмий жарыялангандан 15 күн өткөндөн кийин күчүнө кирет.

"Эркин Тоо" газетасынын 201___-жылдын ___- __________ № ___ жарыяланды.

4. Бул буйруктун аткарылышын контролдоо Кыргыз Республикасынын Өнөр-жай, энергетика жана жерказынасын пайдалануу мамлекеттик комитетинин төрагасынын орун басары А.Т. Кадырбаевге жүктөлсүн.

 

Төрага

Э.К. Осмонбетов

Тиркеме

 

Кыргыз республикасынын өнөр-жай,

энергетика жана жер казынасын

пайдалануу мамлекеттик комитетинин

2019-жылдын____ «________» №___

буйругу менен бекитилген

Бишкек шаарынын ЖЭБинде жагылуучу таштак отундун тандап алынышынын шарты жана тартиби

(Отунду жеткирип келүүгө даярдык көрүү жана аны өткөрүү боюнча усулдук көрсөтмөлөр)

 

Жалпы маңызы

 

1. “Бишкек шаарынын ЖЭБинде жагылуучу таштак отундун тандап алынышынын шарты жана тартиби” деп аталган документ жетектөөчү документ (ЖД) болуп эсептелет.

Ал өзүнө “Сатып алууларга даярдык жана өткөрүү боюнча усулдук көрсөтмөлөрдү” камтыйт (мындан ары Усулдук).

2. Бул Усулдук “Кыргыз Республикасындагы техникалык жөнгө салуунун негиздери жөнүндөгү” Кыргыз Республикасынын мыйзамынын негизинде иштелип чыккан.

3. Мамлекет аралык стандартташтыруу боюнча жумуштарды жүргүзүүнүн негизги принциптери жана тартиби ГОСТ 1.0 "Мамлекет аралык стандартташтыруу системасы. Негизги жоболору” жана ГОСТ 1.2 “Мамлекет аралык стандартташтыруу системасы. Мамлект аралык стандарттар, Мамлекет аралык стандартташтыруу боюнча эрежелер жана сунуштар. Иштеп чыгаруу, кабыл алуу, колдонуу, жаңыртуу жана жокко чыгаруу эрежелери” менен аныкталат.

     4. Бул жетектөөчү документ (ЖД) “Электр станциялар” ААКтын жана Бишкек ш. ЖЭБтин өндүрүштүк-техникалык, пландоо-экономикалык. бөлүмдөрүнө жана өндүрүштүк кызматтарына арналган. Ал документ менен Бишкек ш. ЖЭБде жагыш үчүн таштак отунду сатып алуу, ага даярдык көрүү, уюштурулат. Отунду жеткирүү Кыргыз Республикасынын “Мамлекеттик сатып алуулар жөнүндө” Мыйзамына негизделип аткарылат.

5. Таштак отундун жеткирилип келиш процессин тартипке салуу багытында жетектөөчү документ (ЖД) жооптуу кишилердин кыймыл-аракеттерин регламенттейт. Ал аракет ЖЭБдин жабдыктарынын майнаптуулугун төмөндөбөс кылат.

6. Жагыла турган таштак отунду тандоодо жана сатып алууда ЖД усулдук жетекчилик катары колдонот. Көмүр жеткирүүчүлөрү менен “баа-сапат» көрсөткүчтөрдү ыңтайлашуу учурунда Усулдук чечим кабыл алууга негиз түзөт. Сатып алууда тендер аркылуу жеңүүчүнү тандоодо ылайыктуу көрсөткүчтөрдүн деңгээли чен белги болуп берет.

7. Дагы, бул Усулдук «Электр станциялар» ААКы уюштурган сатып алуу тендерге катышкан көмүр жеткирүүчүлөрдүн иш аракеттерин аныктайт.

8. Бишкек ЖЭБинде жагыла турган көмүрдү сатып алууда бул Усулдук таштак отундун тандоосун регламенттейт, жабдыктардын ишенимдүү жана экономдуу иштешинин шарттарын аныктайт, отунду сатып алуунун жана эксплуатация жүргүзүүнүн сарптоолорунун интегралдык эсебин баалаганга мүмкүнчүлүк берет. Сатып алуу тендеринин жеңүүчүсү баалардын минимуму менен тандалат.

     Бул Усулдук жаңы, модерн 150 мегаваттык эки блокту эсепке алуу менен Бишкек ш. ЖЭБинин бардык энергетикалык казандарына колдонуу үчүн тиешелүү.

9. Документтин предмети болуп долбоорлук көмүрлөр эсептелинет, алардын мааалымат булагы ГОСТор менен аныкталат. Долбоорлук болуп чаң сыяктуу түрүндө жагылуучу көмүрлөр эсептелинет. Алардын майнаптуулугу жабдыктарды долбоорлооо учурундагы техникалык-экономикалык негиздөө (ТЭН) менен далилденет. ТЭН ГОСТ 25543 “Күрөң, таш көмүрлөр жана антрациттер. Классификация. Генетикалык жана технологиялык параметрлер аркалуу классификация” менен ылайыкталат.

10. Лабораториялык анализден кийин сапаттык көрсөткүчтөрү номенклатурага ылайык эмес болуп чыккан жана ЖЭБдин жабдыктарынын экономдуулугун, ишенимдүүлүгүнүн начарлатып жибере турган долбоорго кирбеген көмүрлөрдү, ошондой эле бардык башка көмүрлөрдү (анын ичинде долбоорлук) пайдаланууга тыюу салынган.

11. ЖЭБдин жагуу режимин жана тендер аркылуу сатып алуулардын уюштуруусун өзгөртүү Бишкек ш. ЖЭБтин чечиминин (арызынын) негизинде аткарылат.

Ал чечимге мажбур кылган себеп бул долбоорлук сапаттуу отундун жеткирилип келишинин чектелгени, номенклатуралык сыпаттамасынын начарлашы. Бул себептер электр жана жылуулук энергиянын чыгарылышын жана жабдыктардын техникалык-экономикалык көрсөткүчтөрүн төмөндөтөт.

12. Бул жетектөөчү документке (ЖД) өзгөртүүлөрдү жана кошумчаларды, ошонун ичинде көмүрдүн кошумча түрлөрүн киргизүү мурунку ЖД иштелип чыккан иретинде аткарылат. Бишкек ш. ЖЭБдин жабдыктарын реконструкциялагандан кийин жана долбоорлук эмес отундун тажрыйбалык - өнөр жайлык . жагуусун өткөргөндөн кийин жаңы ЖД иштелип чыгат жана тийиштүү органдар менен макулдашылып бекитилет.

 

Көмүрдү тандоодогу максат жана маселелер

 

13. Бишкек ЖЭБинде жагыла турган, энергетикалык жабдыктардын иштешинин майнаптуулугун төмөндөтпөгөн көмүрдү тандап алуу үчүн максат катары эксплуатациялык көрсөткүчтөрдүн паспорттук маанисин камсыз кылуу коюлат.    Жабдыктардын майнаптуулугу техникалык –экономикалык көрсөткүчтөрү жана такталган отун аркалуу иштелип чыгарылган электр жана жылуулук энергиянын өздүк наркы менен бааланат.

14. Көмүр тандоодогу негизги маселелер.

1) Бишкек ЖЭБдеги жабдыктар майнаптуу жана ишенимдүү иштешин камсыз кылуу үчүн Жетектөөчү Документте жазылган шарттарды Керектөөчү жана Жеткирүүчү тараптар бекем тутуу.

2) ГОСТ 25543 “Мамлекет аралык стандарт. Генетикалык жана технологиялык параметрлер менен Классификация” талаптарын аткаруу. Бул стандартты ГОСТ 25543 “Мамлекет аралык стандарт. Генетикалык жана технологиялык параметрлер менен Классификация” колдонгондо шилтемелик кылып көрсөтүлгөн стандарттардын колдонулушун төмөнкү жактан текшерүү абзел :

- Кыргыз Республикасынын Экономика министрлигинин алдындагы Стандартташтыруу жана Метрология Борборунун техникалык регламенттер жана стандарттар улуттук маалымат фондунда;

- Кыргыз Республикасынын Экономика министрлигинин алдындагы Стандартташтыруу жана Метрология Борборунун Интернет желесиндеги расмий сайтында (Жалпылык колдонуучу маалымат тутуму);

- Жыл сайын чыгуучу стандартташтыруу боюнча документтеринин Каталогунда “Кыргыз Республикасынын чөлкөмүндө улуттук стандарт катары кабыл алынган стандартташтыруу боюнча ченемат документтер, 2019 жылдын 1 январынан актуалдуу”;

- Квартал сайын чыгуучу Бюллетенде (стандартташтыруу боюнча Бюллетен - Кыргыз Республикасынын Экономика министрлигинин алдындагы Стандартташтыруу жана Метрология Борборунун мезгилдүү расмий басылмасы).

Эгерде шилтемелик стандарт өзгөрүлсө (алмаштырылса) бул стандартты колдонгондо өзгөртүлгөн (алмаштырылган) стандарты жетектөөчү катары пайдаланыш керек. Эгерде шилтемелик стандарт алмаштырылбай жокко чыгарылса анда шилтеме көрсөтүлгөн мазмун ал шилтемеге тийиштүү эмес жагынан колдонулат.

 

Усулдуктун милдеттери жана функциялары

    

15. Маселелер.

1) Тендерлик документтерди даярдоо учурунда күн мурунтан сапаттуу көмүрдүн тандалышын белгилөө. Жеткирип келүүчүнү тандоодо объективдик принциптерди колдонуу; 

2) Пайдаланылуучу отундун сапатынын иштин көрсөткүчтөрүнө тийгизген таасирине жараша Бишкек шаарынын ЖЭБинин техникалык-экономикалык жана экологиялык көрсөткүчтөрүнүн туруктууулугун сактап туруу;

3) Отун балансын сактоо менен финансы-экономикалык чыгымдоолордун оптималдуулугун камсыздоо;

4) Стандарттын талаптарын сактоо менен отун сатып алуунун такталган бюджеттерин түзүү;

5)  Көмүр сатуучулар менен илимий негизделген келишимдерди түзүү, сатып алууну уюштуруудагы коррупциялык амалдарды жоюу;

16. Функциялары.

1)  Өндүрүштүк-техникалык чечимдерге ылайык отун менен камсыздоонун бюджетин сапаттуу пландаштыруу;

2) Бишкек шаарынын ЖЭБине көмүр сатып алуунун, жеткирүүнүн уюштурулушун иреетке салуу;

3) Көмүр жеткирүүчүлөр менен түзүлгөн келишимдерде пайдаланылуучу жабдууларды натыйжалуу иштетүүгө шарт түзүү;

4) Көмүрдүн айрым партияларынын реалдуу мүнөздөмөлөрүнө жараша аларды сатып алууда бааларын тактоо;

5)  Өндүрүштүк-сатып алуу процесстерди жана алардын процедураларын стандартташтыруу;

6) Көмүрдү тандоо, сатып алуу учурунда анын сапатын текшерүүнү регламенттештирүү;

7) Көмүрдүн сапатына жараша жабдууларды иштетүүнүн майнаптуулугун талдоону өркүндөтүү.

 

Колдонууга тандалып алынуучу

көмүрдүн көрсөткүчтөрүнүн номенклатурасы

 

17. Долбоордо белгиленген өндүрүштүк ченемдердин алкагында Бишкек шаарынын ЖЭБинин негизги жана көмөкчү жабдууларынын коопсуз жана туруктуу иштешине кепилдик камсыздаган керектелүүчү көмүрдүн сапатынын көрсөткүчтөрүнүн тизмеси номенклатура деп аталат.

18. Сапаттын көрсөткүчтөрү ГОСТ 25543 “Мамлекет аралык стандарт. Генетикалык жана технологиялык параметрлер менен классификация” менен корреляцияланат.

19. Жабдуулардын жогорку деңгээлде майнаптуу иштеши көрсөткүчтөрдүн белгилүү чектери менен жетишилет, алар Бишкек ш. ЖЭБинин от казандарында көптөн бери колдонулуп жүргөн БЗ категориядагы күрөн көмүр, Д, К категориядагы ташкөмүрлөрдү күйгүзүү тажрыйбасынан алынган, алар 1 таблицасында берилген.

Башка көрсөткүчтөр боюнча маалыматтар (As, Cl жана радиациялык коопсуздук) азыркы ЖД алкагында каралбайт. ЖДнын максаты Бишкек шаарынын ЖЭБинин негизги энергетикалык казан жана көмөкчү жабдууларынын коопсуз жана туруктуу иштешин камсыздоо.

Отун жеткирүүчү тарап радиологиялык сыноолордун протоколун көрсөтүшү керек.

20. Жогорудагы 1 таблицасында келтирилген Q^р_н күйүү учурундагы жылуулуктун чектери_, V^гучуп чыгуучу заттардын ченеми, А^sкүлдүнчыгышы, W^рнымдуулугу, S^ркурамындагы күкүрт, күлдөгү СаОнун курамы, күлдүн деформациялануу t₁температурасы от казанындагычаң түрүндөгүотундун долбоордук ченемдерде коопсуз жана туруктуу күйүшүнө шарт түзөт. Тегирмендердин долбоордук өндүрүмдүүлүктө ишенимдүү иштешин 1 таблицадагы R_ло майдалануучулук коэфициентинин диапазону, А^sкүлдүүлүгү жана W^рнымдуулугу аныктайт.

Отунду кабыл алуучу, берип туруучу жана майдалоочу системанын үзгүлтүксүз иштөөсү берилүүчүотундун эң чоңкөлөмү R_maxжана нымдуулукW^р менен камсыздалат.

Б3 жана Д категориядагы көмүрлөрдүн жылуулук-физикалык касиеттеринин туруктуулугу жана өз алдынча кычкылдануу процессинин (күйүү жана тутатуу) активдүүлүгүн азайтуу менен колдонулуучу отундун жогорку чеги V^г кармалып турат.

21. Тендердик соодага чейин 1 таблицага ылайык көрсөткүчтөрү бар көмүрлөр дагы тажрыйбалык-өндүрүштүк жагуудан Бишкек ш. ЖЭБинде өтүшү керек.

 

1 Таблица

Бишкек ш. ЖЭБинде натыйжалуу пайдалануу үчүн көмүр сапаттарынын көрсөткүчтөрүнүн номенклатурасы