МАМЛЕКЕТТИК КЫЗМАТ КӨРСӨТҮҮЛӨРДҮН АДМИНИСТРАТИВДИК РЕГЛАМЕНТИ

«Документтерди архивдик мекеменин аймагында убактылуу пайдалануу үчүн архивдик фонддон берүү»

Мамлекеттик кызмат көрсөтүүлөрдүн бирдиктүү реестринин 6-главасы №42

Жалпы жоболор

1. Ушул мамлекеттик кызмат көрсөтүү Кыргыз Республикасынын Өкмөтүнө караштуу Мамлекеттик каттоо кызматынын алдындагы Архив агенттигинин ведомстволук мекемелери тарабынан жүзөгө ашырылат:

- Кыргыз Республикасынын Борбордук мамлекеттик архивдери тарабынан (КР КФФД БМАдан тышкары);

- облустук мамлекеттик архивдер тарабынан;

- Түштүк аймактар аралык мамлекеттик коомдук-саясий документтер архиви тарабынан;

- шаардык мамлекеттик архивдер тарабынан;

- райондук мамлекеттик архивдер тарабынан.

2. Ушул мамлекеттик кызмат көрсөтүүнүн административдик регламенти Кыргыз Республикасынын Өкмөтүнүн 2014-жылдын 3-июнундагы № 303 токтому менен бекитилген кызмат көрсөтүүлөрдүн стандарттарынын талаптарына ылайык келет.

3. Кызмат көрсөтүүнүн стандарты менен берилген негизги параметрлер:

(1) Кызмат көрсөтүүнү берүүнүн жалпы мөөнөтү: кезекте күтүү жана суроо-талапты кабыл алуу 20 мүнөттөн ашык эмес; документти издөө жана берүү убактысы 30 мүнөттөн ашык эмес. Архивдик мекеменин аймагында (окуу залы) документтерди пайдалануунун чектелген мөөнөтү - 30 күндөн ашык эмес. 30 жумуш күнү өткөндөн кийин мамлекеттик кызмат көрсөтүүнүн мөөнөтүн узартуу зарыл.

(2) Кызмат көрсөтүүнү алуу үчүн зарыл документтердин тизмеги:

а) жазуу түрүндө арыз

б) ким экендигин ырастоочу документ;

в) өздүк архивдин документтерин пайдалануу үчүн фонд түзүүчүнүн (эгерде каза болсо, жакын туугандарынын уруксаты) уруксаты (фонд түзүүчү талап кылган кезде);

г) чет өлкөлүк жарандар үчүн - чет өлкөлүк жаранды кабыл алган чет өлкөнүн мекемесинин конкреттүү документтерди пайдаланууга уруксат берүү тууралуу өтүнүч каты;

д) юридикалык жактар өкүлүнүн укуктарын тастыктаган кошумча документ берет (ишеним кат).

(3) Кызмат көрсөтүүнүн наркы: акысыз.

(4) Кызмат көрсөтүүнүн жыйынтыгы: окуу залына, мамлекеттик органдардын документтери менен иштөө үчүн өзүнчө бөлмөлөргө архивдик документтерди берүү

4. Мамлекеттик кызмат көрсөтүүгө негиз болуучу ченемдик - укуктук документтер:

- КР «Жарандардын кайрылууларын кароо тартиби жөнүндө» Мыйзамы;

- КР “Кыргыз Республикасынын мамлекеттик органдарынын жана жергиликтүү өз алдынча башкаруу органдарынын карамагында турган маалыматтарга жетүү жөнүндө” Мыйзамы;

- КР «КР Улуттук архив фонду жөнүндө» Мыйзамы;

- КР «Кыргыз Республикасынын мамлекеттик сырларын коргоо жөнүндө» Мыйзамы;

- КРӨ 2014-жылдын 3-июнундагы № 303 «Мамлекеттик органдар, алардын түзүмдүк бөлүнүштөрү жана ведомстволук мекемелер тарабынан жеке жана юридикалык жактарга берилүүчү мамлекеттик кызмат көрсөтүүлөрдүн стандарттарын бекитүү жөнүндө» токтому (мындан ары – Стандарт);

- КРӨ 2000-жылдын 20-январындагы № 33 «КМШ өлкөлөрүнүн ортосунда архивдик маалыматты пайдалануу принциптери жана өз ара аракеттенүү жөнүндө макулдашууну бекитүү жөнүндө» (мындан ары – Макулдашуу);

- Мамлекеттик архив агенттигинин 2009-жылдын 17-августундагы № 46/1 буйругу менен бекитилген “Кыргыз Республикасынын мамлекеттик архивдеринин негизги иш эрежелери” (мындан ары – Негизги эрежелер);

- Архив агенттигинин 2015-жылдын 23-декабрындагы № 130 буйругу менен бекитилген “Кыргыз Республикасынын мамлекеттик архив кызматы тарабынан социалдык-укуктук маанидеги суроо-талаптарды аткаруу боюнча нускама” (мындан ары – Нускама);

- Архив агенттигинин ЭТУКтун (эксперттик текшерүү-усулдук комиссия) 2008-жылдын 27-мартындагы № 4-чечими менен бекитилген “Кыргыз Республикасынын мамлекеттик архивдеринин окуу залында пайдалануучулардын иштөө эрежелери” (мындан ары – Иштөө эрежелери).

2. Кызмат көрсөтүү процессинде аткарылуучу жол-жоболордун тизмеги

3. Жол-жоболордун өз ара байланышынын блок-схемасы

4. Жол-жоболорду сыпаттоо жана алардын мүнөздөмөлөрү