КЫРГЫЗ РЕСПУБЛИКАСЫНЫН МЫЙЗАМЫ

2011-жылдын 14-июлу № 99

"Кылмыштарды жасоо жагынан шек туудурган жана айыпталып кармалган адамдарды камакта кармоонун тартиби жана шарттары жөнүндө" Кыргыз Республикасынын Мыйзамына өзгөртүүлөр киргизүү тууралуу

1-берене.

"Кылмыштарды жасоо жагынан шек туудурган жана айыпталып кармалган адамдарды камакта кармоонун тартиби жана шарттары жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2002-ж., № 12, 501-ст.) төмөндөгүдөй өзгөртүүлөр киргизилсин:

1. 15-статьянын 1-бөлүгүнөн тышкары, Мыйзамдын бүткүл тексти боюнча ар кандай жөндөмөдөгү "Кыргыз Республикасынын Юстиция министрлиги" деген сөздөр алып салынсын:

2. 9-статьянын 4-бөлүгүнүн экинчи сүйлөмүнөн тышкары, Мыйзамдын бүткүл тексти боюнча ар кандай жөндөмөдөгү "Улуттук коопсуздук кызматы" деген сөздөр тиешелүү сандардагы жана жөндөмөлөрдөгү "улуттук коопсуздук органдары" деген сөздөр менен алмаштырылсын.

3. Мыйзам долбоорунун бүткүл тексти боюнча ар кандай жөндөмөдөгү "Ички иштер министрлиги" деген сөздөр 9-статьянын 2-бөлүгүнүн экинчи сүйлөмүнөн тышкары, тиешелүү сандарда жана жөндөмөлөрдө "ички иштер органдары" деген сөздөр менен алмаштырылсын.

4. 4-статьядагы жана 6-статьянын 2-бөлүгүндөгү "Кыргыз Республикасы ратификациялаган эл аралык келишимдер" деген сөздөр "Кыргыз Республикасы катышуучу болуп саналган, мыйзамда белгиленген тартипте күчүнө кирген эл аралык келишимдер" деген сөздөр менен алмаштырылсын.

5. 8-статьяда:

2-бөлүктөгү "менен макулдашуу боюнча юстиция министри" деген сөздөр алып салынсын;

6-бөлүктүн экинчи сүйлөмүндөгү "менен макулдашуу боюнча Кыргыз Республикасынын Улуттук коопсуздук кызматы" деген сөздөр алып салынсын.

6. 9-статьяда:

2-бөлүктүн экинчи сүйлөмүндөгү "Ички иштер министрлиги" деген сөздөр "Өкмөтү" деген сөзгө алмаштырылсын;

4-бөлүктүн экинчи сүйлөмүндөгү "Улуттук коопсуздук кызматы" деген сөздөр "Өкмөтү" деген сөзгө алмаштырылсын;