КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2019-жылдын 16-апрели № 95-б

Кыргыз Республикасынын Өкмөтүнүн 2018-жылдын 25-декабрындагы № 619 токтому менен бекитилген Мүлктүк укуктарды калыбына келтирүү жөнүндө 2010-жылы Кыргыз Республикасынын Убактылуу Өкмөтүнүн декреттерине ылайык улутташтырылган мүлктүн мурдагы менчик ээлеринин кайрылууларын кароонун тартиби жөнүндө жобонун 4 жана 5-пункттарын аткаруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

Мүлктүк укуктарды калыбына келтирүү жөнүндө 2010-жылы Кыргыз Республикасынын Убактылуу Өкмөтүнүн декреттерине ылайык улутташтырылган мүлктүн мурдагы менчик ээлеринин кайрылууларын кароо боюнча комиссия ушул буйруктун тиркемесине ылайык курамда түзүлсүн.

Мүлктүк укуктарды калыбына келтирүү жөнүндө 2010-жылы Кыргыз Республикасынын Убактылуу Өкмөтүнүн декреттерине ылайык улутташтырылган мүлктүн мурдагы менчик ээлеринин кайрылууларын кароо боюнча комиссиянын КУРАМЫ

Кыргыз Республикасынын Экономика министри, комиссиянын төрагасы;

Кыргыз Республикасынын Юстиция министри, комиссиянын төрагасынын орун басары;

Кыргыз Республикасынын Өкмөтүнүн Соттук өкүлчүлүк борборунун директору, комиссиянын төрагасынын орун басары.

Комиссиянын мүчөлөрү:

Кыргыз Республикасынын Жогорку Кеңешинин парламенттик фракцияларынын өкүлдөрү (макулдашуу боюнча);

Кыргыз Республикасынын Финансы министри;

Кыргыз Республикасынын Ички иштер министри;

Кыргыз Республикасынын Улуттук коопсуздук мамлекеттик комитетинин төрагасы;

Кыргыз Республикасынын Өкмөтүнө караштуу Мамлекеттик каттоо кызматынын төрагасы;

Кыргыз Республикасынын Өкмөтүнө караштуу Экономикалык кылмыштарга каршы күрөшүү боюнча мамлекеттик кызматтын төрагасы;

Кыргыз Республикасынын Өкмөтүнө караштуу Мамлекеттик мүлктү башкаруу боюнча фонддун төрагасы;

Кыргыз Республикасынын Өкмөтүнө караштуу Финансы рыногун жөнгө салуу жана көзөмөлдөө мамлекеттик кызматынын төрагасы;

"Өкмөттүк эмес жана коммерциялык эмес уюмдардын ассоциациясы" юридикалык жактар бирикмесинин өкүлү (макулдашуу боюнча).