КЫРГЫЗ РЕСПУБЛИКАСЫНЫН ПРЕЗИДЕНТИНИН ТЕСКЕМЕСИ

2021-жылдын 8-февралы ПТ № 14

"Эл аралык финансы уюмдарында Кыргыз Республикасынын мүчөлүгү жөнүндө" Кыргыз Республикасынын Мыйзамына ылайык:

1. Кыргыз Республикасынын атынан башкаруучунун милдеттерин аткаруу төмөндөгүлөргө жүктөлсүн:

1) Азия Өнүктүрүү банкында, Эл аралык Өнүктүрүү Ассоциациясында, Эл аралык финансы корпорациясында, Ислам өнүктүрүү банкында, Азия инфратүзүмдүк инвестициялар банкында, Көп тараптуу инвестициялык кепилдик агенттигинде - Кыргыз Республикасынын Финансы министрине;

2) Эл аралык валюта фондунда - Кыргыз Республикасынын Улуттук банкынын төрагасына;

3) Европа реконструкциялоо жана өнүктүрүү банкында, Экономикалык кызматташтык уюмунун Соода жана өнүктүрүү банкында, Эл аралык реконструкциялоо жана өнүктүрүү банкында - Кыргыз Республикасынын Экономика жана коммерция министрине.

2. Башкаруучунун альтернаты катары төмөндөгүлөр аныкталсын:

1) Эл аралык валюта фондунда, Эл аралык реконструкциялоо жана өнүктүрүү банкында, Европа реконструкциялоо жана өнүктүрүү банкында, Экономикалык кызматташтык уюмунун Соода жана өнүктүрүү банкында - Кыргыз Республикасынын Финансы министри;

2) Ислам өнүктүрүү банкында - Кыргыз Республикасынын Улуттук банкынын төрагасы;

3) Азия Өнүктүрүү банкында, Эл аралык финансы корпорациясында, Көп тараптуу инвестициялык кепилдик агенттигинде, Эл аралык Өнүктүрүү Ассоциациясында - Кыргыз Республикасынын Экономика жана коммерция министри.

3. Төмөнкүлөр күчүн жоготту деп таанылсын:

1) Кыргыз Республикасынын Президентинин 2012-жылдын 27-январындагы № 11 буйругу;

2) Кыргыз Республикасынын Өкмөтүнүн 2021-жылдын 26-апрелиндеги № 103-б буйругу.