ЛЕНИН АЙЫЛДЫК КЕӉЕШИ

ТОКТОМ

Ленин айылдык кеңешинин XXX кезексиз сессиясы

2016-жылдын 21-ноябры № 2

Кыргыз Республикасынын коомчулукту өнүктүрүү жана инвестициялоо Агенствосунун (АРИС) “АИД-3” долбоорунун алкагында өткөрүлүүчү иш чаралары жөнүндө

Күн тартибиндеги маселени угуп жана талкуулап Ленин айылдык Кеңешинин кезексиз XXX сессиясы

ТОКТОМ КЫЛАТ:

1. Айылдар боюнча түзүлгөн фокустук топтор аныктаган көйгөйлүү аткарыла турган иштер тизмеге ылайык бекитилсин. № 2-тиркеме 1-баракта тиркелет.

2. Көйгөйлүү маселелер боюнча “Артыкчылыктуу долбоорду” аныктоо үчүн Ленин айыл өкмөтүнүн №97 02.11.2016-жылдагы буйругу менен түзүлгөн конкурстук комиссия мүчөлөрү тизме боюнча № 3-тиркемеге ылайык бекитилсин, тиркеме 1-баракта тиркелет.

3. Токтомду аткаруу жагы айыл өкмөт башчысы Ч.Мурзакановко тапшырылсын.

Ленин айыл аймагында айылдар боюнча чечүүнү талап кылган көйгөйлүү жумуштардын тизмеси:

Ленин айылында.

1. Интернет байланыштын жоктугу;

2. Маданият үйүн ремонттоо жана эмеректерди сатып алуу;

3. “Байчечекей” бала бакчасынын ажатканасынын эскилиги, мындан ары пайдаланууга жараксыздыгы;

4. №27 Ю.А.Гагарин атындагы орто мектептин эски эшик терезелерин алмаштыруу, мектептин короосунун айланасын тосмосунун начардыгы, аны тосмолоо;

5. Мед. аптеканын жоктугу.

Орто-Сай айылында.

1. Интернет байланыштын жоктугу;

2. Орто-Сай айылындагы Ө.Бегимкулов көчөсүнүн жашоочулары ичүүчү таза суу менен камсыздалбаганы;

3. К.Жумаев жана Р.Таракулов көчөлөрүндө асфальт жолдун жоктугу;

4. Айылдын борбордук А.Асанов көчөсүндө түнкү жарыктын жоктугу.

Жыгач-Коргон айылында.

1. Жыгач-Коргон айылындагы клубду ремонттоо;

2. Жыгач-Коргондо жаңы курулуп жаткан 50 оорунду бала бакчанын жаңы эмеректери менен камсыздалбаганы;

3. Жыгач-Коргон айылындагы жаңы конуштун элдерин ичүүчү таза суу менен камсыздоого суу түтүктөрүн тартуу;

4. Жыгач-Коргон айылындагы №25 А.Тажибаев орто мектебинин короосунун айланасынын тосмосунун начардыгы.

Ленин айыл аймагы боюнча көйгөйлүү аткарууга талап кылган иштер боюнча “Артыкчылыктуу долбоорду” аныктоо үчүн түзүлгөн конкурстук комиссия мүчөлөрү:

1. Мамырасулов Мамасадык С. – Ленин айыл өкмөтүнүн социалдык маселелер боюнча башкы адиси, комиссиянын төрагасы;

Комиссия мүчөлөрү:

2. Атабаев Ашим Т. – айыл өкмөттүн жер адиси;

3. Тунгатаров Аргымбай – Орто-Сай айылынын айыл башчысы;

4. Арзыкулов Сооронбек – Жыгач-Коргон айылынын айыл башчысы;

5. Тойчуев Айти – айылдык Кеңештин депутаты;

6. Мураталиев Балатай – айылдык Кеңештин депутаты.