МОГОЛ АЙЫЛДЫК КЕӉЕШИ

ТОКТОМ

Могол айылдык Кеңешинин VII чакырылышынын кезектеги 3 сессиясы

 

2017-жылдын 16-февралы № 1

Могол айыл өкмөтүнүн 2016-жылдагы жергиликтүү бюджетинин аткарылышы жана 2017-2018-2019-жылдарга жергиликтүү бюджетин долбоорун бекитүү жөнүндө

Могол айыл өкмөтүнүн 2016-жылдагы жергиликтүү бюджетинин киреше жана чыгаша бөлүктөрүнүн аткарылышы ошондой эле 2017-жылга жергиликтүү бюджетинин киреше жана чыгаша бөлүктөрүнүн долбоору жана 2018-2019-жылдарга жергиликтүү бюджеттин киреше бөлүгүнүн долбоорун Кыргыз Республикасынын Каржы Министри тарабынан жеткирилген контролдук сандардын негизинде Могол айыл өкмөтүнүн ФЭБ башчысынын милдетин аткаруучу М.Осмоновдун билдирүүсүн угуп жана талкуулап Могол айылдык Кенешинин VII-чакырылышынын кезектеги III-сессиясы

ТОКТОМ КЫЛАТ:

1. Могол айыл өкмөтүнүн 2016-жылдагы жергиликтүү бюджетинин киреше бөлүгүнүн 9955,8 миң сом жана чыгаша бөлүгүнүн 9978,4 миң сомго аткарылышы канааттандырарлык деп табылсын (1-тиркеме).

2. Могол айыл өкмөтүнүн 2017-жылга жергиликтүү бюджетинин киреше бөлүгүнүн көлөмү 11361,6 миң сомго (2-тиркемеге ылайык) жана чыгаша бөлүгүнүн көлөмү 11361,6 миң сомго түзүлгөн сметанын долбоору (3-тиркемеге ылайык) алымча кошумчасы менен бекитилсин.

3. Могол айыл өкмөтүнүн 2017-жылга карата жергиликтүү бюджетин долбоору 11361,6 миң сомго анын ичинен:

Жергиликтүү кирешелер – 4905,2миң сомго

Теңдөөчү грант - 6456,4 миң сомго

2018-жылга 11467,9 миң сомго анын ичинен:

Жергиликтүү кирешелер – 4973,5 миң сомго

Тендөөчү грант - 6494,4миң сомго бекитилсин

4. 2019-жылга 12215,0 миң сомго анын ичинен:

Жергиликтүү кирешелер – 5440,5миң сомго

Тендөөчү грант - 6774,5миң сомго бекитилсин.

5. Могол айыл өкмөтүнүн жергиликтүү бюджетинин эсебинен 1% же 100,0 миң сомго резервдик фонд түзүлсүн.

6. КР «2016-жылга бюджети жөнүндөгү мыйзамынын» негизинде, эң биринчи корголгон статьялар (эмгек акы, СФ, тамак аш жана электр энергия) камсыз болсун.

7. КР «Жарандык коргоону жөнүндөгү» Мыйзамынын негизинде (2-бөлүмүнүн 10-берене) 250,0 миң сом табийгый кырсыктарды алдын алууга акча каражаты РОК то сакталсын.

8. Могол айыл өкмөтүнүн 7 (жети) айыл башчы жана 3(үч) ВУС инспектору штат бирдиги бекитилсин.

9. КР Өкмөтүнүн 8-июль 2013-жылдагы №403 «Айыл Өкмөтүнүн типтүү түзүлүшү жана штаттык саны жөнүндө» Токтомунда каралбагандыктан, 5 айга убактылуу от жагар штат бирдиги келишимдик негизде бекитилсин.

10. К.Р Өкмөтөнүн салыктык эмес жыйындардын №12\1 статьясынын негизинде, айыл аймагынын айылдарын тазалыгын сактоо жана таштандыларды ташуу үчүн: юридикалык жактарга иштеген ар бир адамга бир жылга-100-00 сомдон, жеке ишканаларга ар бир адамга бир жылга -100-00 сом өлчөмүндө белгиленсин.

11. Салык Кодексине өзгөртүүлөр киргизилген учурда жергиликтүү бюджеттин киреше жана чыгаша бөлүктөрүнө өзгөртүүлөрдү киргизүү Ф.Э.Бнө милдеттендирилсин.

12. Салык Кодексине ылайык зоналдык коэффициент 1,0 өлчөмүндө белгиленсин.

13. КР «Республикалык бюджети жөнүндөгү» Мыйзамына ылайык ушул сессиянын Токтомунун 2-пункутунда белгиленген сумманын чегинде сметага өзгөртүү киргизүү Могол айыл өкмөтүнүн Ф.Э.Бнө милдеттендирилсин.

14. Кыргыз Республикасынын бюджет кодексине ылайык Могол айыл өкмөтүнүн 2017-жылга жүргүзүүдөгү кассалык накталай акчанын көлөмү 30,0 миң сом болуп бекитилсин.

15. Айылдык Кенештин кезектеги сессиясында айтылган сын-пикир, суроо талаптардын аткарылышы бонча Ф.Э.Б сунушу менен Айылдык Кенештин кезектеги сессияларына маселе коюп туруу жагы Айылдык Кенештин бюджет, экономика жана финансы маселелери боюнча туруктуу комиссиясына тапшырылсын.

16. Айыл өкмөтүнө түшкөн атайын каражаттар толугу менен Бирдиктүү казыналык эсеп аркылуу пайдаланылсын.

17. Ушул токтомдордун аткарылышын көзөмөлгө алуу Могол айылдык Кеңешинин бюджет, экономика жана финансы маселелери боюнча туруктуу комиссиясына жана Могол айыл өкмөтүнүн Ф.Э.Бнө милдеттендирилсин.

 

Төрага

Т. Омурзаков

 

Тиркеме № 1

 

Могол айыл өкмөтүнүн жергиликтүү бюджетинин киреше бөлүгүнүн 2016-жылдагы аткарылышы боюнча маалымат