КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2024-жылдын 25-декабры № 792

Кыргыз Республикасынын Министрлер

Кабинетинин ишкердик иш чөйрөсүндөгү айрым

чечимдерине өзгөртүүлөрдү киргизүү жөнүндө

 

Жөнгө салуучу таасирин талдоону даярдоо жол-жобосун жөнөкөйлөтүү, ишкердик иш чөйрөсүндөгү ченемдик укуктук актыларды оптималдаштыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2022-жылдын 10-августундагы № 444 "Ишкердик субъекттеринин ишине ченемдик укуктук актылардын жөнгө салуучу таасирин талдоо методикасын бекитүү жөнүндө" токтомуна төмөнкүдөй өзгөртүүлөр киргизилсин:

1) төмөнкүдөй мазмундагы 2¹-пункт менен толукталсын:

"2¹. Жөнгө салуучу таасирин талдоо жүргүзүүнүн маалыматтарынын аныктыгы үчүн жеке жоопкерчилик иштеп чыгуучу органдын жетекчилерине жүктөлөт деп белгиленсин.";

2) жогоруда аталган токтом менен бекитилген Ишкердик субъекттеринин ишине ченемдик укуктук актылардын жөнгө салуучу таасирин талдоо методикасында:

- төмөнкүдөй мазмундагы 12¹-пункт менен толукталсын:

"12¹. Жумушчу топтун мүчөлөрү ЖТТны жүргүзүүдө негиздүүлүк, объективдүүлүк, ачыктык, ырааттуулук, өз ара байланыш жана айкындык принциптерин жетекчиликке алат.";

- 15-пункттун төртүнчү абзацы күчүн жоготту деп таанылсын;

- төмөнкүдөй мазмундагы 15¹-пункт менен толукталсын:

"15¹. Ачык консультациялар жыйналыштарга, кеңешмелерге, жумушчу жолугушууларга, семинарларга, тренингдерге жана башкаларга бөлүнөт.";

- 33-пункттун төртүнчү абзацы күчүн жоготту деп таанылсын;

- 5-глава күчүн жоготту деп таанылсын;

- жогоруда аталган Методиканын 3-тиркемеси ушул токтомдун 1-тиркемесине ылайык редакцияда баяндалсын;

- жогоруда аталган Методиканын 4-тиркемеси ушул токтомдун 2-тиркемесине ылайык редакцияда баяндалсын.