КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

 2025-жылдын 13-майы № 249

Коронардык стенттердин жана аларга чыгымдалуучу материалдардын бааларын жөнгө салуунун убактылуу эрежелерин бекитүү жөнүндө

"Медициналык буюмдарды жүгүртүү жөнүндө" Кыргыз Республикасынын Мыйзамынын 8-беренесинин 4-бөлүгүн ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Коронардык стенттердин жана аларга чыгымдалуучу материалдардын бааларын жөнгө салуунун убактылуу эрежелери тиркемеге ылайык бекитилсин.

2. Төмөнкүлөр белгиленсин:

1) ушул токтом күчүнө киргенден кийин 10 (он) жумуш күндүн ичинде коронардык стенттерди жана аларга чыгымдалуучу материалдарды каттоо күбөлүгүнүн ээлери дары каражаттарын жана медициналык буюмдарды жүгүртүү чөйрөсүн жөнгө салуу боюнча ыйгарым укуктуу органга коронардык стенттердин жана аларга чыгымдалуучу материалдардын бааларын каттоо жөнүндө арыз берүүгө тийиш;

2) бааны каттоо жөнүндө арыз белгиленген мөөнөттө берилбеген учурда дары каражаттарын жана медициналык буюмдарды жүгүртүү чөйрөсүн жөнгө салуу боюнча ыйгарым укуктуу орган коронардык стенттердин жана аларга чыгымдалуучу материалдардын бааларын эсептөөнү жана каттоону өз алдынча жүргүзөт;

3) ушул токтом күчүнө киргенге чейин Кыргыз Республикасынын аймагында жүгүртүүдөгү коронардык стенттердин жана аларга чыгымдалуучу материалдардын баалары фармацевттик иштин субъекттери тарабынан медициналык буюмдардын бааларынын электрондук каталогуна киргизилген учурдан тартып 10 күндүн ичинде катталган баага ылайык келтирилүүгө тийиш;

4) фармацевттик иштин субъекттери ушул токтомду талаптагыдай аткарбагандыгы үчүн Кыргыз Республикасынын укук бузуулар жөнүндө мыйзамдарына ылайык жоопкерчилик тартат.

3. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

4. Бул токтом расмий жарыяланган күндөн тартып 15 күн өткөндөн кийин күчүнө кирет жана 2025-жылдын 31-декабрына чейин колдонулат.