КАРАКОЛ АЙЫЛ АЙМАГЫНЫН АЙЫЛДЫК КЕҢЕШИ

ТОКТОМ

Каракол айыл аймагынын айылдык кеңешинин кезекcиз IX- сессиясы

2025-жылдын 15-октябры № 124

Каракол айыл аймагында Жергиликтүү коомдоштуктардын жыйынын же курултайын чакыруу жөнүндө

2025-жылдын 22-сентябрындагы “Кезектеги IV Элдик Курултайды өткөрүү жөнүндө” № 270 сандуу Жарлыгынын жана Кезектеги IV-Элдик Курултайды өткөрүү, делегаттарды шайлоо жана координациялоо боюнча уюштуруу комитетинин 2025-жылдын 25-сентябрындагы №1 протоколу менен бекитилген негизги иш-чаралардын календардык планына ылайык Каракол айылдык Кеңешинин кезектеги сессиясы;

ТОКТОМ КЫЛАТ:

1. Элдик Курултайга делегаттарды шайлоо боюнча жергиликтүү коомдоштуктардын өкүлчүлүктүү жыйыны же курултайы 2025-жылдын 1-ноябрында саат 11.00 Арал айылынын Асылбек Медетов атындагы маданият үйүнө чакыртылсын.

2. Элдик Курултайдын делегаттарын шайлоо тартиби жөнүндө Жобого ылайык жергиликтүү коомдоштуктардын өкүлчүлүктүү жыйынынын же курултайынын катышуучуларынын жалпы саны 80 өкүл болуп белгиленсин.

3. Жергиликтүү коомдоштуктардын өкүлчүлүктүү жыйынына же курултайына өкүлдөрдү шайлоо максатында жыйындарды өткөрүү боюнча Каракол айыл аймагы 3 тиешелүү болүктөргө б.а. Көпүрө-Базар, Үч-Эмчек жана Арал болуп бөлүнсүн.

4. Календардык план менен белгиленген мөөнөттөргө жана Каракол айыл аймагынан Элдик Курултайга делегаттарды шайлоо боюнча жергиликтүү коомдоштуктардын жыйындарын же курултайын уюштуруунун жана өткөрүүнүн иш-чаралар планына ылайык Каракол айыл аймагындагы айылдарда жыйындарды өткөрүү графиги бекитилсин (График тиркелет).

5. Жергиликтүү коомдоштуктардын өкүлчүлүктүү жыйынына катышуучулардын квотасы айылдарда жашаган жергиликтүү калктын жалпы санына жараша төмөндөгүдөй болуп бекитилсин. Алар:

- Көпүрө-Базар айылынан 32 өкүл,

- Үч-Эмчек айылынан 18 өкүл,

- Арал айылынан 30 өкүл.

6. Коомдоштуктардын жергиликтүү жыйындарын өткөрүүгө төмөндөгү айыл өкмөтүнүн аппарат кызматкерлери жана айылдык кеңештин депутаттары

- Батырова Элмира Малабаевна,

- Тайтекеев Эрнис Рысбекович,

- Тилекова Эльвира Руслановна,

- Сулайманов Бакыт Досумбекович,

- Кубанычбекова Бактыгуль Анарбаевна

- Ибраимова Калыйпа Исмаиловна жооптуу катары дайындалсын жана жумушчу топтун курамына киргизилсин.

7. Жергиликтүү коомдоштуктардын өкүлчүлүктүү жыйынын же курултайын жана жергиликтүү жарандардын жыйындарын уюштуруу жана өткөрүү боюнча жумушчу топтун курамы бекитилсин (Курамы тиркелет).

8. Токтомдун аткарылышын камсыз кылуу жагы Каракол айылдык кеңешинин жооптуу катчысына жүктөлсүн.

9. Токтомдун аткарылышы жеке өзүмдүн көзөмөлүмө коюлсун.

Жергиликтүү коомдоштуктардын өкүлчүлүктүү жыйынын жана жергиликтүү жарандардын жыйындарын уюштуруу жана өткөрүү боюнча жумушчу топтун курамы

КАРАКОЛ АЙЫЛ АЙМАГЫНДА ӨТҮЛҮҮЧҮ КООМДОШТУКТАРДЫН ЖЕРГИЛИКТҮҮ ЖЫЙЫНДАРЫН ӨТКӨРҮҮ ГРАФИГИ