Кыргыз Республикасында туруктуу өнүктүрүү принциптерин (ESG) киргизүүнүн улуттук системасын түзүү концепциясын жана 2026–2028-жылдарга Кыргыз Республикасында туруктуу өнүктүрүү принциптерин (ESG) киргизүүнүн улуттук системасын түзүү концепциясын ишке ашыруу боюнча биринчи кезектеги чаралардын ведомстволор аралык планын бекитүү жөнүндө

Экономиканы туруктуу өнүктүрүү, атаандаштыкка жөндөмдүүлүгүн жана инвестициялык жагымдуулугун жогорулатуу, ошондой эле айлана-чөйрөнү жана климатты коргоо чөйрөсүндө эл аралык милдеттенмелерди аткаруу максатында, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Төмөнкүлөр бекитилсин:

1) Кыргыз Республикасында туруктуу өнүктүрүү принциптерин (ESG) киргизүүнүн улуттук системасын түзүү концепциясы 1-тиркемеге ылайык;

2) 2026–2028-жылдарга Кыргыз Республикасында туруктуу өнүктүрүү принциптерин (ESG) киргизүүнүн улуттук системасын түзүү концепциясын ишке ашыруу боюнча биринчи кезектеги чаралардын ведомстволор аралык планы 2-тиркемеге ылайык.

2. Кыргыз Республикасынын Экономика жана коммерция министрлиги жогоруда аталган Концепцияны ишке ашырууну координациялоо жана аталган Ведомстволор аралык планды аткарууну уюштуруу үчүн жооптуу ыйгарым укуктуу мамлекеттик орган болуп аныкталсын.

3. Кыргыз Республикасынын Улуттук банкына жана «Кыргыз фондулук биржасы» жабык акционердик коомуна ESG жана туруктуу каржылоо чөйрөсүндө ченемдик укуктук актыларды, методикалык сунуштамаларды жана стандарттарды иштеп чыгууда, актуалдаштырууда жана колдонууда ушул токтомдун 1-пунктунда көрсөтүлгөн Концепциянын жоболорун жетекчиликке алуу сунушталсын.

4. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

5. Бул токтом расмий жарыяланган күндөн тартып он күн өткөндөн кийин күчүнө кирет.

“Эркин-Тоо” мамлекеттик расмий гезитинин 2026-жылдын 12-июнундагы № 43 (3803) саны менен жарыяланды.

Кыргыз Республикасынын Министрлер Кабинетинин Төрагасы

А.А. Касымалиев