Мамлекеттик мүлктү натыйжалуу пайдалануу, Кыргыз Республикасынын Ысык-Көл облусунун Ысык-Көл районунун Чолпон-Ата шаарынын жергиликтүү маанидеги маселелерин чечүү максатында, Кыргыз Республикасынын Министрлер Кабинетинин 2024-жылдын 23-июлундагы № 405 «Мамлекеттик мүлктү муниципалдык менчикке өткөрүп берүүнүн тартибин бекитүү жөнүндө» токтому менен бекитилген Мамлекеттик мүлктү муниципалдык менчикке өткөрүп берүүнүн тартибинин 5-пунктуна, «Мүлккө муниципалдык менчик жөнүндө» Кыргыз Республикасынын Мыйзамынын 5-беренесинин экинчи абзацына, 6-беренесине, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттик Ысык-Көл облусунун Ысык-Көл районунун Чолпон-Ата шаарынын мэриясынын муниципалдык менчигине төмөнкүлөрдү өткөрүп берсин:

1) Ысык-Көл облусу, Ысык-Көл району, Чолпон-Ата шаары, Санаторская көчөсү, 6а дарегинде жайгашкан, жалпы аянты 1 080,0 кв. м жер тилкесин (идентификациялык коду 2-03-05-0001-6318);

2) Ысык-Көл облусу, Ысык-Көл району, Чолпон-Ата шаары, Санаторская көчөсү, 10к дарегинде жайгашкан, жалпы аянты 4 920,0 кв. м жер тилкесин (идентификациялык коду 2-03-05-0001-6317).

2. Чолпон-Ата шаарынын мэриясына төмөнкүлөр сунушталсын:

1) бул тескеменин 1-пунктунда көрсөтүлгөн объекттерди муниципалдык менчикке кабыл алуу;

2) кыймылсыз мүлккө укукту каттоо чөйрөсүндөгү ыйгарым укуктуу мамлекеттик органда менчик укугун жергиликтүү бюджеттин каражаттарынын эсебинен кайра каттоону жүргүзүү;

3) бул тескеменин 1-пунктунда көрсөтүлгөн объекттерди максаттуу пайдаланууну камсыз кылуу;

4) бул тескеменин 1-пунктунда көрсөтүлгөн объекттерди күтүүнү жана андан ары тейлөөнү жергиликтүү бюджеттин каражаттарынын эсебинен жүзөгө ашыруу;

5) бул тескеменин 1-пунктунда көрсөтүлгөн объекттерди андан ары ээликтен ажыратууну жүргүзбөө;

6) бул тескемеден келип чыгуучу башка чараларды көрүү.

3. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

Кыргыз Республикасынын Министрлер Кабинетинин Төрагасы

А.А. Касымалиев