КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2026-жылдын 15-июну № 422

Кыргыз Республикасынын Министрлер Кабинетинин 2022-жылдын 10-июнундагы № 312 "Кыргыз Республикасында баалоочуларды сертификаттоо тартибин бекитүү жөнүндө" токтомуна өзгөртүүлөрдү киргизүү тууралуу

"Баалоо иши жөнүндө" Кыргыз Республикасынын Мыйзамынын 24-беренесинин 2-бөлүгүнө, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2022-жылдын 10-июнундагы № 312 "Кыргыз Республикасында баалоочуларды сертификаттоо тартибин бекитүү жөнүндө" токтомуна төмөнкүдөй өзгөртүүлөр киргизилсин:

жогоруда көрсөтүлгөн токтом менен бекитилген Кыргыз Республикасында баалоочуларды сертификаттоо тартибинде:

- 6-пункт төмөнкүдөй редакцияда баяндалсын:

"6. Эгерде документтерди берүүнүн белгиленген мөөнөтүнө карата талапкерлердин жалпы саны он адамдан аз болсо, анда Кыргыз Республикасынын Соода-өнөр жай палатасы экзамендик комиссия менен макулдашуу боюнча квалификациялык экзаменди белгиленген мөөнөттө өткөрүүгө укуктуу.";

- 19-пункт төмөнкүдөй редакцияда баяндалсын:

"19. Квалификациялык экзаменди тапшырууга төмөнкү талаптарга жооп берген талапкерлерге уруксат берилет:

1) кыймылдуу жана кыймылсыз мүлктү экинчи категориядагы баалоочуга:

- баалоо чөйрөсүндө жогорку билим же экономикалык, юридикалык жана техникалык жогорку билим, же болбосо баалоо боюнча кайра даярдоо шарты менен башка жогорку билим;

- баалоо боюнча кайра даярдоону ырастоочу документ жана баалоо боюнча квалификацияны жогорулатуу жөнүндө сертификаттар;

- соттуулугу жок;

2) биринчи категориядагы баалоочуга:

- баалоо чөйрөсүндө жогорку билим же экономикалык, юридикалык жана техникалык жогорку билим, же болбосо баалоо боюнча кайра даярдоо шарты менен башка жогорку билим;

- баалоо иши боюнча үч жылдан кем эмес иш стажы;

- баалоо боюнча кайра даярдоону ырастоочу документ жана баалоо боюнча квалификацияны жогорулатуу жөнүндө сертификаттар;

- соттуулугу жок;

3) жогорку категориядагы баалоочуга:

- баалоо чөйрөсүндө жогорку билим же экономикалык, юридикалык жана техникалык жогорку билим, же болбосо баалоо боюнча кайра даярдоо шарты менен башка жогорку билим;

- баалоо иши боюнча беш жылдан кем эмес иш стажы;

- баалоо боюнча кайра даярдоону ырастоочу документ жана баалоо боюнча квалификацияны жогорулатуу жөнүндө сертификаттар;

- соттуулугу жок.";

- 21-пунктта:

төртүнчү абзацта "(нотариалдык күбөлөндүрүлгөн)" деген сөздөр алып салынсын;

жетинчи абзац төмөнкүдөй редакцияда баяндалсын:

"- баалоо жөнүндө эки отчеттун көчүрмөсү же баалоо иши боюнча аткарылган иштер жөнүндө маалыматтар (биринчи категориядагы жана жогорку категориядагы баалоочуга талапкерлер үчүн гана);".

2. Бул токтом расмий жарыяланган күндөн тартып он күн өткөндөн кийин күчүнө кирет.