КЫРГЫЗ РЕСПУБЛИКАСЫНЫН ЖАРАТАЛЫШ РЕСУРСТАРЫ,

ЭКОЛОГИЯ ЖАНА ТЕХНИКАЛЫК КӨЗӨМӨЛ МИНИСТРЛИГИНИН БУЙРУГУ

2026-жылдын 28-августу № 01-01/329

Мунай жана мунай продуктуларынын кампаларынын

өнөр жайлык коопсуздук эрежелерин бекитүү жөнүндө

Мунай жана мунай продуктуларынын кампаларын эксплуатациялоодо коопсуздукту камсыз кылуу жана авариялык кырдаалдардын тобокелдиктерин азайтуу максатында, Кыргыз Республикасынын Министрлер Кабинетинин 2023-жылдын 3-мартындагы № 115 “Кыргыз Республикасынын Министрлер Кабинетинин айрым ченем жаратуу ыйгарым укуктарын мамлекеттик органдарга жана жергиликтүү өз алдынча башкаруунун аткаруу органдарына өткөрүп берүү жөнүндө” токтомуна ылайык, буйрук кылам:

1. Мунай жана мунай продуктуларынын кампаларынын өнөр жайлык коопсуздук эрежелери тиркемеге ылайык бекитилсин.

2. Өнөр жай коопсуздугун жөнгө салуу башкармалыгы:

- ушул буйрук катталгандан кийин үч жумушчу күндүн ичинде Кыргыз Республикасынын мыйзамдарына ылайык аны расмий жарыялоо боюнча чараларды көрсүн;

- расмий жарыяланган күндөн тартып үч жумушчу күндүн ичинде буйруктун көчүрмөсүн Кыргыз Республикасынын Юстиция министрлигине Кыргыз Республикасынын ченемдик укуктук актыларынын мамлекеттик реестрине киргизүү үчүн жөнөтсүн;

- буйрук күчүнө кирген күндөн тартып үч жумушчу күндүн ичинде буйруктун көчүрмөсүн маалымат үчүн Кыргыз Республикасынын Президентинин Администрациясына жөнөтсүн.

3. Бул буйрук расмий жарыяланган күндөн тартып он беш күн өткөндөн кийин күчүнө кирет.

2026-жылдын 3-сентябрында https://mnr.gov.kg/ky/npas расмий сайтында жарыяланды

4. Бул буйруктун аткарылышын контролдоо министрдин орун басары А.Т. Турсуниязовго жүктөлсүн.