КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН

ТӨРАГАСЫНЫН ТЕСКЕМЕСИ

2026-жылдын 25-июну № 480-т

Мамлекеттик мүлктү натыйжалуу жана сарамжалдуу пайдалануу, "Мамлекеттик бажы инфраструктурасы" ачык акционердик коомунун ишинин натыйжалуулугун жогорулатуу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Министрлер Кабинетине караштуу Мамлекеттик бажы кызматы "Мамлекеттик бажы инфраструктурасы" ачык акционердик коомунун уставдык капиталына салым катары ушул тескеменин тиркемесине ылайык тизмек боюнча мүлктү белгиленген тартипте өткөрүп берсин.

2. "Мамлекеттик бажы инфраструктурасы" ачык акционердик коомуна төмөнкүлөр сунушталсын:

1) тиркемеде көрсөтүлгөн мүлктү максаттуу багыты боюнча пайдалануу;

2) тиркемеде көрсөтүлгөн мүлккө барабар суммада акцияларды кошумча чыгарууну жүргүзүү;

3) бул тескемеден келип чыгуучу чараларды белгиленген тартипте көрүү.

3. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

"Мамлекеттик бажы инфраструктурасы" ачык акционердик коомунун уставдык капиталына салым катары өткөрүп берилүүгө тийиш болгон мүлктүн ТИЗМЕГИ