ЫНТЫМАК АЙЫЛДЫК КЕҢЕШИНИН ТОКТОМУ

2026-жылдын 10-февралы № 10

Ынтымак айыл аймагынын ички чарбалык сугат тармактарын Жайыл

райондук суу чарбачылык башкармалыгынын (РЧБ) балансына акысыз

өткөрүп берүү жөнүндө

Кыргыз Республикасынын Министрлер Кабинетинин 2024-жылдын 29-апрелиндеги № 207 “Суу чарба секторун натыйжалуу башкаруу жана өнүктүрүү жөнүндө” токтомун ишке ашыруу жана Жайыл райондук мамлекеттик администрациясынын 2024-жылдын 02-июлундагы № 263 буйругунун аткарылышы, ошондой эле Ынтымак айыл аймагынын айыл чарба өндүрүүчүлөрүнө сугат системаларынын техникалык абалын кескин жакшыртуу, тазалоо иштерин өз убагында жүргүзүү жана сугат суусун үзгүлтүксүз жеткирүүнү камсыздоо максатында, Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө”, Кыргыз Республикасынын “Мүлккө муниципалдык менчик жөнүндө” жана Кыргыз Республикасынын “Суу жөнүндө” мыйзамдарынын негизинде, Ынтымак айыл өкмөтүнүн сунушун карап жана талкуулап, Ынтымак айылдык кеңеши токтом кылат:

1. Ынтымак айыл аймагынын муниципалдык менчигинен аймактын аймагында жайгашкан ички чарбалык сугаруу тармактарын, каналдарды, лотко системаларын жана гидротехникалык имараттарды Жайыл райондук суу чарба башкармалыгынын балансына мамлекеттик менчикке акысыз берүүгө макулдук берилсин.

2. Ынтымак айыл өкмөтүнүн финансы-экономикалык өнүктүрүү бөлүмү Жайыл РСЧ менен биргеликте Кыргыз Республикасынын мыйзамдарында белгиленген тартипте:

- Ынтымак айыл өкмөтүнүн башчысынын ирригациялык объектилерди кабыл алуу-өткөрүп берүү боюнча биргелешкен комиссия түзүү жөнүндө тескемесин демилгелөө;

- Комиссиянын ишинин алкагында толук техникалык инвентаризация жүргүзүү, айыл өкмөтүнүн башчысынын буйругу менен өткөрүлүп жаткан чарба ичиндеги сугат тармактарынын тизмесин, алардын узундугун жана техникалык мүнөздөмөлөрүн көрсөтүү менен түзүү жана бекитүү;

- Бекитилген тизменин негизинде инвентаризациялык баракчаларды даярдоо жана негизги каражаттарды кабыл алуу-өткөрүп берүү актыларын (ОС-1 формасы) түзүү;

- мамлекеттик менчикти каттоо процедурасын аяктоо үчүн Кыргыз Республикасынын мамлекеттик мүлктү башкаруу боюнча ыйгарым укуктуу мамлекеттик органына түзүлгөн документтер пакетин жөнөтүү;

- кабыл алуу-өткөрүп берүү актылары толук бекитилгенден кийин аталган сугат тармактарын Ынтымак айыл өкмөтүнүн балансынан (негизги каражаттардын эсебинен) чыгаруу.

3. Токтом айыл өкмөтүнүн сайтына жайгаштырылсын жана Кыргыз Республикасынын ченемдик укуктук актыларынын мамлекеттик реестрине каттоо жана киргизүү үчүн Чүй-Бишкек Юстиция башкармалыгына жөнөтүлсүн.

2026-жылдын 12-июлунда https://yntymak-ao.gov.kg/documents/%d1%8b%d0%bd%d1%82%d1%8b%d0%bc%d0%b0%d0%ba-%d0%b0%d0%b9%d1%8b%d0%bb%d0%b4%d1%8b%d0%ba-%d0%ba%d0%b5%d0%bd%d0%b5%d1%88%d0%b8%d0%bd%d0%b8%d0%bd-2026-%d0%b6%d1%8b%d0%bb%d0%b4%d1%8b%d0%bd-10-%d1%84%d0%b5/ расмий сайтында жарыяланды

4. Токтомдун аткарылышын Ынтымак айылдык кеңешинин жер маселелери боюнча туруктуу комиссиясына, ошондой эле Ынтымак айыл өкмөтүнүн башчысына жүктөсүн.

________________

Таркатылсын: иш кагаздарына, Ынтымак айыл өкмөтү, Кыргыз Республикасынын Юстиция министрлиги, Жайыл РСЧ, ЖРМА.