ЖАЛПАК-ТАШ АЙЫЛДЫК КЕӉЕШИ

ТОКТОМ

Жалпак-Таш айылдык кеңешинин VI чакырылыштагы кезектеги 5- сессиясы

 

2017-жылдын 24-февралы № 7

Жалпак-Таш айыл өкмөтүнүн 2016-жылдагы бюжетини аткарылышы жана 2017-жылдагы бюжетин бекитүү жөнүндө

Жалпак-Таш айыл өкмөтүнүн 2016-жылдагы бюджетинин аткарылышы жана 2017-жылга айыл өкмөтүнүн бюджетин бекитүү 2018-2019-жылдарга долбоорун кароо жөнүндө маселе айылдык кенештин Финансы ,экономика,бюжет ,экономикалык жактан өнүгүүнүн болжолдуу багыттары жана инвестиция масалелери боюнча туруктуу комиссиясында алдын ала каралып,алардын сунуштарынын негизинде Жалпак-Таш айылдык Кенеши

ТОКТОМ КЫЛАТ:

1. 2016-жылы Жалпак-Таш айыл өкмөтүнүн бюджетинин киреше бөлүгү 19219,0 мин сомго жана чыгаша бөлүгү 19104,3 миң сомго аткарылгандыгы белгиленсин. (№1 тиркеме)

2. 2017-жылга Жалпак-Таш айыл өкмөтүнүн бюджетинин кирешелери жана чыгашалары 14644,3 сомго бекитилсин.(№2 тиркеме)

3. Айыл өкмөтүнүн 2017-2019-жылдарга жактырылган болжолдуу көрсөткүчтөрү № 3 тиркемеге ылайык бекитилсин жана ар бир так мезгилде аларды кабыл алууда такталууга жатаары белгиленсин.

4. 2017-жылга чегерүүлөрдүн чечимдери төмөнкүлөрдөн белгиленсин:

а).жалпы мамлекеттик салыктык түшүүлөрдөн:салык агентиги тарабынан төлөнүүчү киреше салыгынан жана айылдардын жергиликтүү бюджеттери үчүн сатуудан түшкөн салыктан 50% өлчөмдө;

б).ыктыярдуу патент негизиндеги салыктан,милдеттүү патенттөө негизиндеги салыктан,бирдиктүү салык негизинде түшүүүлөрдөн-айылдардын жергиликтүү бюджеттеринин тескөөсүнө 100% өлчөмүндө;

в).жер казынасын пайдалангандыгы үчүн салыктан (стратегиялык пайдалуу кендерди:алтынды,мунайды,газды кошпогондо,роялти) аардын иштетилген жери (жайгашкан орду) боюнча айылдардын тиешелүү жергиликтүү бюджеттерине 50 % өлчөмундө;

5. Жергиликтүү салыктардан жана салыктык эмес жыйымдардан түшүүчү жергиликтүү бюджеттердин кирешелери башка деңгээлдеги бюджетке алынууга жатпастыгы белгиленсин.

6. Мыйзам менен каралган ыйгарым укуктардын чектеринде,жер салыгы боюнча базалык ставкаларды же коэфиценттерди жогорулатуу боюнча жергиликтүү өз алдынча башкаруу органдары тарабынан чечимдерди кабыл алуунун эсебинен жергиликтүү бюджеттердин кирешесин көбөйтүүсү ушул 2016-жылдын 30-ноябрындагы Кыргыз Республикасынын Жогорку Кеңеши тарабынан кабыл алынган Мыйзам менен 2017-2019-жылдарга теңөөчү гранттардын өлчөмдөрүн өзгөртүү үчүн негиз болуп саналбасы белгиленсин.

7. Кыргыз Республикасынын бюджетттик укуктарынын негизги принциптери жөнүндө Мыйзамынын 21- бернесине ылайык айыл өкмөтүнүн резерфтик фонду 146,4 мин сом өлчөмүндө бекитилсин.

8. Айыл өкмөтүнө 2017-2019-жылдарга жергиликтүү бюджеттердин чыгашаларын каржылоо биринчи кезектеги тартипте корголгон беренелер (эмгек акы,социалдык фондго чегерүү,тамак-аш,дары-дармек жана милдеттүү медициналык камсыздандырууга чегерүүлөр),комуналдык кызматтар (электр энергия,көмүр,суу) боюнча жүзөгө ашыруу сунушталсын.

9. Айланма кассалык калдык (оборотный касссавой наличность) айыл өкмөтүнүн бюджети боюнча жургүзүлгөн накталай акча каражаты 2017-жылдын 1-январына карата 5 000 миң сом өлчөмүндө белгиленсин.

10. Өндүрүлбөй калган салык карыздары белгиленип аларды өндүрүү жагы айыл өкмөтүнө милдеттендирилсин.

11. Жалпак-Таш айыл аймагы толуу, шарты катаал ,табигий кырсыктар коркунучу бар жерде жайгашкандыктан табийгат кырсыктарын алдын алуу максатына жана калктын аялуу катмарына, аз камсыз болгон үй-бүлөөлөргө, социалдык ооруларга ж.б социалдык масалерди чечүү , Улуу Ата Мекендик согуштун ардагерлерине ,энелер күнүнө , согуш мезгилинде тылда кызмат кылгандарга,Баатыр энелерге ,Ооганчыларга,Баткен коогаланынын , катышуучуларына жардам берүү үчүн акча каражаттары каралсын.

12. Айыл кеңешинин иш аракеттерин жана иш кагаздарын жүргүзүү (юстициядан каттоодон өткөрүү, расмий тилге которуу , маалымат каражаттарына жарыялоо ж.б.)ар бир айылга айылдык кеңештин маалымат доскасын уюштуруу үчүн бюжеттин эсебинен каражат бөлүү айыл өкмөтүнүн башчысына милдеттендирилсин.

13. Айыл өкмөтүнүн инфраструктурасын өнүктүрүү максатында жазылган долбоорлорду ишке ашырууга багытталган иш чараларга жана өздүк салымдарды кошууга керектелген каражаттарды каржылоо айыл өкмөтүнүн бюжетинен каржыланаары белгиленсин.

14. Токтом кабыл алынып бекитилген күндөн тартып күчүнө кирет.

15. Токтомдун аткарылышын көзөмөлдөө“Финансы ,экономика,бюжет ,экономикалык жактан өнүгүунүн болжолдуу багыттары жана инвестиция масалелери “боюнча туруктуу комиссиясына милдеттендирилсин.

 

Төрага

Х. Каныбаев