КАРА-КӨЛ ШААРДЫК КЕҢЕШИ

ТОКТОМ

 

2016-жылдын 04-июлу №96/34-6

Кара-Көл шаарындагы муниципалдыкменчиктеги объектилерди менчиктештирүү программасы жөнүндө

 

Кыргыз Республикасынын “Жергиликтүү өз алдынча башкаруу жөнүндө” Мыйзамынын, Турак жай кодексинин 61-беренесинин жана “Мүлккө муниципалдык менчик жөнүндө” Кыргыз Республикасынын Мыйзамынын 13-беренесинин негизинде Камбар-Ата шаарчасындагы эки кабаттуу үйлөрдөгү менчиктештирилбеген батирлерди жана муниципалдык менчикке КТГЭСтин балансынан кабыл алынган менчиктештирилбеген батирлерди менчиктештирүү максатында Кара-Көл шаар аймагынын Кара-Көл шаардык кеңешинин кезектеги ХХХIV сессиясы

ТОКТОМ КЫЛАТ:

1. 2016-2017-жылдарга Кара-Көл шаарындагы муниципалдык менчиктеги объектилерди менчиктештирүү программасы №1-тиркемеге ылайык бекитилсин.

2. 2016-2017-жылдарга Кара-Көл шаарынын муниципалдык менчигиндеги менчиктештирилүүчү объектилердин тизмеси №2 тиркемеге ылайык бекитилсин.

3. Бул токтомдун аткарылышын камсыз кылуу вице-мэр Г.О. Сатаровага жүктөлсүн, көзөмөлдөө жагы шаардык кеңештин өндүрүш, курулуш, архитектура, турак жай, коммуналдык чарба, муниципалдык менчик жана жер маселелери боюнча туруктуу комиссиясына (Б.Н. Кыргызалиев) жүктөлсүн.

 

Кара-Көл шаарынын муниципалдык менчигиндеги объектилерди 2016-2017-жж. менчиктештирүү программасы

I. Менчиктештирүү программасынын мазмуну

2016-2017-жж. муниципалдык менчиктеги объектилерди менчиктештирүү программасы (мындан ары – программа) Кыргыз Республикасынын Конституциясына, Турак жай Кодексине, Жарандык Кодексине, “Жергиликтүү өзүн-өзү башкаруу жөнүндө” мыйзамына, “Мүлккө муниципалдык менчик жөнүндө” мыйзамына ылайык иштелип чыккан.

Менчиктештирүү программасы муниципалдык менчикте турган турак жай объектилеринде менчик эмес укукта тиешелүү документтердин негизинде пайдаланып жашаган тургундарга менчиктештирүүнүн артыкчылыгын белгилейт жана жарандардын турак жайга ээ болуу укуктарын камсыздайт. Программа Кыргыз Республикасынын Турак жай кодексинин 61-беренесине ылайык Кыргыз Республикасынын Өкмөтүнүн 30.09.2014ж ылы кабыл алган №557 токтому менен бекитилген “Менчиктештирилүүчү турак жайдын наркын аныктоо тартибин” жетекчиликке алат. Менчиктештирүүгө жаткан объекттердин тизмеси муниципалдык менчик башкармалыгы аркылуу даярдалып, депутаттардын тиешелүү туруктуу комиссиясында каралат жана шаардык Кеңештин сессиясында бекитилет.

II Муниципалдык менчиктеги объектилерди менчиктештирүүнү жүргүзүүдөгү башкы приоритеттер

·         Кыймылсыз мүлк базарынын өнүгүүсүнө шарт түзүү;

·         Жеке менчиктүүлөрдүн кеңири катмарын түзүү, кичи ишкерликке жакындан жардам көрсөтүү;

·         Чыгымдуу турак жайларды колдоого кетүүчү бюджеттик чыгымдарды азайтуу;

·         Шаардын керектөөсү үчүн менчиктештирүүдөн түшкөн каражаттарды пайдаланууда бюджеттик чыгымдарды оптимизациялоо (ылайыкташтыруу).

·         III.Менчиктештирүүнүн ыкмалары жана шарттары

·         Кара-Көл шаардык кеңешинин депутаттары бекиткен программанын жана менчиктештирүүгө тиешелүү объектилердин тизмесинин болушу;

·         Менчиктештириле турган муниципалдык мүктү баалоонун тартибинин сакталышы;

·         Менчиктештирилген муниципалдык мүлк үчүн төлөмдөрдүн өз убагында эсепке которулушу;

·         Түз сатуу жолу менен менчикке берилиши.