КЫРГЫЗ-АТА АЙЫЛДЫК КЕӉЕШИ

ТОКТОМ

(алтынчы шайланган) он бешинчи сессиясы

2019- жылдын 20-июлу № 15-2

Кыргыз-Ата айыл өкмөтүнүн 2020-жылга бюджетинин долбоорун жана 2021-2022-жылдарга бюджеттин болжолун бекитүү жөнүндө

Кыргыз Ата айыл өкмөтүнүн 2020-жылга бюджетинин долбоорун жана 2021-2022-жылдарга болжолун бекитүү жөнүндөгү маселени «Кыргыз Республикасынын 2020-жылга республикалык бюджети жана 2021-2022-жылдарга болжолу жөнүндөгү» Мыйзамынын негизинде иштелип чыгылган. Долбоор тиешелүү мекеме-ишканалардын жетекчилеринин катышуусунда Кыргыз Ата айылдык кеңешинин «Экономика, бюджет, соода жана ишкердүүлүк» боюнча туруктуу комиссиясы тарабынан каралып, Кыргыз Республикасынын «Жергиликтүү өз алдынча башкаруу жөнүндөгү » Мыйзамынын 31-статьясынын 2 пунктуна, Кыргыз Республикасынын «Бюджет Кодексинин» 102-беренесине ылайык депутаттардын Кыргыз Ата айылдык кенеши

Т О К Т О М К Ы Л А Т:

1. 2020-жылга бюджеттин кирешелерин түзүүчү булактары жана чыгалашары боюнча багыттар № 1 тиркемеге ылайык аныкталсын. Бюджеттин чыгаша бөлүгү 2020-жылга түшкөн кирешелердин жана гранттардын чегинде, ошону менен бирге биринчи кезекте корголгон беренелер боюнча (эмгек акы, соц.фондко чегерүү, тамак-аш жана коммуналдык кызматтарга) каржылануусу 14206,2 миң сом жергиликтүү бюджеттен, 10000, 0 миң сом теңдештирүүчү гранттан белгиленсин.

2. Кыргыз-Ата айыл өкмөтүнүн 2021-2022-жылдарга бюджеттин болжолунун негизги көрсөткүчтөрү 2021-жылга 14201,2 миң сомго жана 2022-жылга 14313,6 миң сомго белгиленсин.

Кыргыз-Ата айыл өкмөтүнүн 2021-2022-жылдарга айылдык бюджетинин негизги көрсөткүчтөрүнүн болжолу жактырылсын, аларды ар бир конкреттүү мезгилде кабыл алууда тактоо жүргүзүү жагы белгиленет.

3. Токтомдун аткарылышына көзөмөлдүк кылуу жагы депутаттардын Кыргыз-Ата айылдык кеңешинин «Экономика, бюджет, соода жана ишкердүүлүк боюнча» туруктуу комиссиясына тапшырылсын.

 

Төрага

К. Назарбаев

Кыргыз Ата айылдык кенешинин (алтынчы шайланган) он бешинчи сессиясынын 2019-жылдын 20-июлундагы № 15-2 токтомуна  № 1-тиркеме