Т.КУЛАТОВ АЙЫЛДЫК КЕҢЕШИ

ТОКТОМ

Т.Кулатов атындагы айылдык кеңешинин 6 – чакырылышынын кезектеги 24-сессиясы

 

2019-жылдын 26-декабры № 24-1

«Т.Кулатов атындагы айыл өкмөтүнүн 2018-жылдагы айылдык бюджетинин аткарылышы, 2020-жылга айылдык бюджети жана 2021-2022-жылдарга бюджеттин болжолун бекитүү жөнүндө»

Т.Кулатов атындагы айыл өкмөтүнүн 2018-жылга айылдык бюджетинин аткарылышы, 2020-жылга каралган айылдык бюджети жана 2021-2022-жылдарга болжолун бекитүү жөнүндөгү маселени «Кыргыз Республикасынын 2020-жылга республикалык бюджети жана 2021-2022-жылдарга болжолу жөнүндөгү» Мыйзамынын негизинде иштелип чыгылган Долбоор тиешелүү айылдык мекеме-ишканалардын жетекчилеринин катышуусунда депутаттардын Т.Кулатов атындагы айылдык кеңешинин «Экономика, бюджет, соода жана ишкердүүлүк» боюнча туруктуу комиссиясы тарабынан каралып чыгылган.Кыргыз Республикасынын «Жергиликтүү өз алдынча башкаруу жана жергиликтүү мамлекеттик администрациялар жөнүндөгү» Мыйзамынын 27-статьясынын 5 пунктуна ылайык Т.Кулатов атындагы айылдык Кеңешинин сессиясы:

ТОКТОМ КЫЛАТ:

1. 2020-жылга Т.Кулатов атындагы айыл өкмөтүнүн айылдык бюджетинин кирешелери жана чыгашалары 71344,3 мин сом өлчөмүндө бекитилсин.

2. 2020-жылга айылдык бюджеттин кирешелерин түзүүчү булактары жана чыгашалары боюнча багыттар № 1 тиркемеге ылайык аныкталсын.

3. Айылдык бюджеттин чыгаша бөлүгү 2020-жылга түшкөн кирешелердин чегинде,ошону менен бирге биринчи кезекте корголгон беренелер боюнча (эмгек акы,соц.фондко чегерүү,тамак-аш жана коммуналдык кызматтарга) каржылануусу белгиленсин.

4. Т.Кулатов атындагы айыл өкмөтүнүн 2021-2022-жылдарга айылдык бюджетинин болжолунун негизги көрсөткүчтөрү № 2,3 тиркемеге ылайык колдоого алынсын.

5. Кирешелеринин болжолу 2021-жылга 75957,1 мин сомго жана 2022-жылга 77563,5 мин сомго белгиленсин.

6. Т.Кулатов атындагы айыл өкмөтүнүн 2021-2022-жылдарга айылдык бюджетинин негизги көрсөткүчтөрүнүн болжолу жактырылсын, аларды ар бир конкреттүү мезгилде кабыл алууда тактоо жүргүзүү жагы белгиленет.

7. Т.Кулатов атындагы айыл өкмөтүнүн 2018-жылдын айылдык бюджетинин аткарылыш № 4 тиркемеге ылайык колдоого алынсын.

8. Атайын каражаттардын кирешесинин сметада бекитилген өлчөмүнөн ашыкча бөлүгү толугу менен айылдык бюджеттик мекеменин каржылоосуна калары аныкталсын.

9. Айылдык бюджеттик мекемелери казыналыктын регионалдык бөлүмдөрүнөн тышкары, мекеменин кассасы аркылуу атайын каражаттарын чыгымдоого тыюу салынсын.

10. Айыл өкмөтүнүн башчысы төмөнкүгө укуктуу;

-ушул токтомдун 1 беренесинде бекитилген суммалардын чегинде, эгер бул айылдык бюджеттин киреше бөлүгүнүн азайтууга алып келбесе, ушул токтомдун тиркемелерине өзгөртүүлөрдү киргизүүгө;

-ченемдик укуктук актылардын өзгөрүүсүнүн негизинде жыл ичинде экиден ашпаган тактоолорду жүргүзүүгө,

- киреше бөлүгүнөн белгиленген пландан ашыкча түшкөн каражаттын эсебинен чыгаша бөлүгүнүн өлчөмүн көбөйтүү жагын кароо;

2020-жылда айылдык бюджеттин киреше бөлүгүнүн пландарынан ашыкча аткарылышынан түшкөн каражаттарды бөлүштүрүү жана өзгөртүү киргизүү айылдык Кенешке ыгарылсын.

11. Жергиликтүү бюджеттик мекеме-ишканалардын финансалык-экономикалык негиздерин чындоо, алардын финансалык мамлекеттик каражаттарды максатуу,сарамжалдуу пайдалануусун камсыз кылуу жагы айыл өкмөтүнүн жана финансы-экономикалык бөлүмүнүн башчысы тарабынан көзөмөлгө алынсын.

12. Ушул токтомдун аткарылышын көзөмөлдүк кылуу жагы Т.Кулатов атындагы айылдык Кеңештин бюджет, экономика жана ишкердүүлүк боюнча туруктуу комиссиясына жана айыл өкмөтүнүн жетекчилигине тапшырылсын.

 

Т.Кулатов атындагы айылдык

Кенешинин төрагасы:                                                                                                                                                                       А.Топчубаев