ҮЧ-ТЕРЕК АЙЫЛДЫК КЕҢЕШИ

 

ТОКТОМ

 Үч-Терек айыл аймагынын айылдык кеӊешинин VIIчакырылышынын кезектеги ХХХIII сессиясы

 

2020-жылдын 10-февралы № 168

Үч-Терек айыл өкмөтүнүн жайыт пайдалануучулар бирикмесинин жайыт комитетинин 2019-жылга отчету жана2020-жылга иш планын,бюджетин бекитүү жөнүндө.

Үч-Терек жайыт пайдалануучулар бирикмесинин жайыт комитети 2019-жылга түзүлгөн план бюджетинин аткарылышы боюнча жайыттар жөнүндөгү мыйзамды ишке ашыруу максатында иштерди жүргүзүп келүүдө. Жайыт пайдалануучулар жана эл арасында атайын жайыттын баа нарктары боюнча кеңештин депутаттары, айыл өкмөтбашчысы,адистери менен биргеликте мал башына чыккан акча каражатын маалыматтап эл арасында пикирлерин угуу менен жайыт комитетинин план бюджетине киргизип ,иш мерчемдерин кабыл алууда. Жайыт комитетинин 2019-жылы бюджетинин аткарылышы 845514(сегиз жүз кырк беш миң беш жүз он төрт) сом чогултуп, мындан жер салыкка 212014 миң сом, соц.фондко 40070 миң сом, айлык акыга 23200 миң сом,сатуудан түшкөн 3% салык үчүн 23578 чегерилген. Жогорудагы түшкөн жайыт акынын эсебинен Шылдырак суусунун 2(эки)даана көпүрөсүнө 68000 миң сомдук күйүүчү май сарпталды.Упа-Булак жайлоосунун жолдорун оңдоого 24000 миң сомдук күйүүчү май сарпталды .Тартуулук суусуна адам жана мал өтүүчү көпүрө курулуп 8000 миң сомдук материал алынып берилди.Тартуулук дабанындагы кар курткөлөрдү тазалоо үчүн 5000 миң сом бөлүнүп берилип жолдор оңдолуп бүткөрүлдү.

 

 2020-жылга жайыт комитетинин бюджети 1060962(бир миллион алтымыш миң тогуз жүз алтымыш эки) сомго пландаштырылып,мунун ичинен жайыт салыгы үчүн 228140 миң сом,соц.фондко 46575миң сом,жалпы эмгек акыга 270000миң сомго чегерилди.

 Кыргыз Республикасынын “Жайыттар жөнүндө” Мыйзамынын 10-беренесинин, КР “Жергиликтүү өз алдынча башкаруу жөнүндө” Мыйзамынын 31-беренесинин 1-пунктунун негизинде жайыттарды сарамжалдуу пайдалануу жана иштетүү боюнча Үч-Терек жайыт пайдалануучулар бирикмесинин жайыт комитетинин төрагасы Ж.Сатыбаевдин маалыматын угуп жана талкуулап, Үч-Терек айыл аймагынын айылдык кеӊешинин VII чакырылышынын кезектеги ХХХIII сессиясы

 

ТОКТОМ КЫЛАТ:

1. Үч-Терек жайыт пайдалануучулар бирикмесинин жайыт комитетинин 2019-жылдагы жүргүзгөн иштери канаттандыраарлык деп табылсын.

2. 2020-жылдга түзүлгөн бюджетинин киреше жана чыгаша бөлүктөрү1060962(бир миллион алтымыш миң тогуз жүз алтымыш эки) сом болуп бекитилсин.(тиркеме тиркелет)

3. Жайыттарды башкаруу жана пайдалануу боюнча 2020-жылга түзүлгөниш планы № 2 тиркемеге ылайык бекитилсин ( тиркеме тиркелет ).

4. Айыл аймагындагы алыскы жана жакынкы жайыттарды эрозияга учурашына жол бербей сарамжалдуу пайдалануу, жайытты убактылуу пайдаланууга жайыт пайдалануучулар менен келишим түзүү, жайыт акыларынан чогулган жана донордук уюмдардан, жеке демөөрчүлөрдөн келип түшкөн акча каражаттарын элдик жыйындарга алып чыгып алар боюнча так маалыматтарды берүү менен максаттуу чыгымдарга жумшоо, 2020-жылга бекитилген бюджетинин жана иш планынын аткарылышын камсыз кылуу жагы айыл аймагындагы жайыт пайдалануучулар бирикмесинин жайыт комитетинин търагасы Ж.Сатыбаевге милдеттендирилсин.

5. Бул токтомдун аткарылышын көзөмөлгө алуу жагы айылдык кеңештин агрардык, азык-түлүк, айыл жана суу чарба, жерге жайгаштыруу, жер жана жер ресурстары, экология жана жаратылышты коргоо боюнча туруктуу комиссиясына ( төрагасы Т.Оморовго ) тапшырылсын.

6. Бул токтом www.uch-terek.kg сайтына жарыяланган күндөн тартып мыйзамдуу күчүнө кирет.

7. Токтом мамлекеттик тилде гана кабыл алынды.

 

Үч-Терек айыл аймагынын айылдык кенешинин төрагасынын орун басары	Ж.Тойтиева

 

2020-жылдын 10-февралындагы Үч-Терек айыл

 аймагынын айылдык кеңешинин VII чакырылышынын

 кезектеги ХХХIII сессиясынын № 168 токтомуна 1

тиркеме

 

Үч-Терек жайыт пайдалануучулар бирикмесинин

жайыт комитетинин 2020-жылга пландаган

Б Ю Д Ж Е Т И :