КЫЗЫЛ-СУУ АЙЫЛДЫК КЕҢЕШИ

ТОКТОМ

 

Кызыл-Суу айылдык кеңешинин VI чакырылышынын кезектеги XVI сессиясы

 

2018-жылдын 16-августу №1

“Кызыл-Суу айылдык аймагынын жергиликтүү жамаатынын Уставын” бекитүү жөнүндө

 

Кыргыз Республикасынын “Жергиликтүү өз алдынча башкаруу жөнүндө” Мыйзамынын 15-беренесинин талаптарына ылайык, Ош облусунун Кара-Суу районунун Кызыл-Суу айылдык аймагынын жергиликтүү жамаатынын элдик жыйындарынын жергиликтүү жамааттын Уставын долбоорун талкуулап, жыйындарда жергиликтүү жамааттан, депутаттардан түшкөн сын-пикир, сунуштарын эске алып, Кызыл-Суу айылдык кенешинин мызмадуулукту сактоо, этика, коомдук уюмдар, дин иштери боюнча туруктуу комиссиясынын корутундусун угуп, Кызыл-Суу айылдык кеңеши Кыргыз Республикасынын “Жергиликтүү өз алдынча башкаруу жөнүндө” Мыйзамынын31-бересинин 2-бөлүгүнүн 8-пунктуна таянып,

ТОКТОМ КЫЛАТ:

1. Тиркемедеги Кызыл-Суу айылдык аймагынын жергиликтүү жамаатынын Уставы бекитилсин.

2. Ушул токтом жана Кызыл-Суу айылдык аймагынын жергиликтүү жамаатынын Уставы Кыргыз Республикасынын Өкмөтүнө караштуу өз алдынча башкаруу иштери жана этностор аралык мамилелер боюнча мамлекеттик агенттигинин www.gamsumo,gov.kg веб-сайтына жарыялансын.

3. Ушул токтомду жана тиркемедеги жергиликтүү жамааттын Уставын расмий жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү жагы Кызыл-Суу айыл өкмөтүнө милдеттендирилсин.

4. Бул токтомдун аткарылышын көзөмөлдөө Кызыл-Суу айылдык кеңешинин мызмадуулукту сактоо, этика, коомдук уюмдар, дин иштери боюнча туруктуу комиссиясынын төрагасына милдеттендирилсин.

5. Токтом расмий жарыяланган күндөн баштап күчүнө кирет.

Ош облусунун Кара-Суу районунун Кызыл-Суу айылдык аймагынын

жергиликтүү жамаатынын

I.              Жалпы жоболор

II.            Жергиликтүү өз алдынча башкаруу органдары жана жергиликтүү маанидеги маселелер

III.           Жергиликтүү жамааттын жергиликтүү өз алдынча башкарууну жүзөгө ашырууга түз катышуу формалары

IV.          Жергиликтүү жамааттын жергиликтүү маанидеги маселерди чечүүгө катышуусу

V.           Жергиликтүү өз алдынча башкаруунун экономикалык негиздери

VI.          Корутунду жоболор

I. Жалпы жоболор

1.     Жалпы жоболор

1.1.          Кызыл-Суу айыл аймагынын жергиликтүү жамаатынын Уставы - жергиликтүү жамааттын жыйындарында (чогулуштарында) же курутайларында талкуунун жыйынтыгы менен айылдык кеңештин токтому аркылуу бекитилүүчү, жергиликтүү жамааттын ич-ара жашоо-турмушун негизги эрежелерин жана принциптерин жөнгө салуучу, жергиликтүү жамааттардын мүчөлөрүнүн укуктарын жана милдеттерин кароочу, жергиликтүү жамааттардын бюджеттик процесстерге катышуусун кошкондо жергиликтүү маанидеги маселелерди жана Кыргыз Республикасынын мыйзамдары менен жөнгө салынбаган жергиликтүү өз алдынча башкаруу ишинин башка маселелерин чечүүдө жергиликтүү жамааттын мүчөлөрүнүн бири бири менен жана жергиликтүү жамааттын жергиликтүү өз алдынча башкаруу органдары менен өз ара мамилелеринин тартибин кароочу акт болуп саналат.

1.2. Ушул Устав Кызыл-Суу айыл аймагында колдонулат жана өздөрүнүн уюштуруу-укуктук түрлөрүнө карабастан, айыл аймагында иштеп жаткан бардык юридикалык жактар, ошондой эле жеке жактар жана алардын бирикмелери үчүн милдеттүү болуп саналат.

2. Негизги түшүнүктөр жана терминдер

Ушул Уставда төмөндөгү түшүнүктөр жана терминдер колдонулат: