КОЧКОР АЙЫЛДЫК КЕҢЕШИ

ТОКТОМ

 

Кочкор айылдык кеӊешинин VI чакырылышынын кезекcиз XXXVI сессиясы

 

2018-жылдын 24-декабры №36/4

 Кочкор айыл аймагынын айылдык кеңешинин Типтүү этикалык кодексинин бекитүү жөнүндө

 

Кочкор айылдык кеңешинин кезексиз XXXVI-сессиясы, Кыргыз Республикасынын Өкмөтүнө караштуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттигинин 24.07.2018-жылындагы №01-181/89-буйругун жетекчиликке алуу менен, Кыргыз Республикасынын “Жергиликтүү өз алдынча башкаруу жөнүндө” Мыйзамынын 36-беренесине ылайык

ТОКТОМ КЫЛАТ:

1. Кочкор айылынын Кочкор айылдык кеңешинин депутаттарынын этикалык Кодекси тиркемеге ылайык бекитилсин.

2. Этикалык кодекстин нормалары бардык депутаттарга тааныштыруу менен аларды сактоо милдеттендирилсин .

3. Бул токтомдун аткарылышын көзөмөлдөө мыйзамдуулук жана депутаттык этика комиссиясына милдеттендирилсин.

 

 

	Кочкор айылдык кеңешинин XXXVI-сессиясынын № 36/4 токтому менен  бекитилди

КОЧКОР АЙЫЛ АЙМАГЫНЫН АЙЫЛДЫК КЕҢЕШИНИН ДЕПУТАТТАРЫНЫН

ТИПТҮҮ ЭТИКАЛЫК КОДЕКСИ

Бул Кодекс жергиликтүү кеңештердин депутаттарына сөзсүз аткарууга милдеттүү болгон моралдык принциптерин жана жүрүм-турум эрежелерин аныктайт.

Депутаттык этика–бул депутаттардын депутаттык ыйгарым укуктарын жүзөгө ашыруу учурундагы негизги моралдык жана адептүүлүк жүрүм-турум нормаларынын жыйындысы.

Ар бир депутат өзүнүн депутаттык ыйгарым укуктарын аткарууда үлгү болууга умтулуп, кынтыксыз кесиптик жана жарандык беделге ээ болуусу керек.

I.              ЖАЛПЫ ЖОБО

1.1.        Кочкор айыл аймагынын айылдык кеңешинин депутаттары (мындан ары-депутаттар) Кочкор айыл аймагынын калкынын өкүлү катары өзүнүн ишмердүүлүгүндө алардын кызыкчылыктары ошондой эле социалдык-экономикалык жана маданий өнүгүү максаттарын жетекчиликке алуу керек.

1.2.       Депутаттар өз макамын аймактын жашоочуларынын кызыкчылыктарына зыян келтирген аракеттерге жумшабаш керек.

1.3.       Депутаттар өз аракеттерин Кыргыз Республикасынын Конституциясына жана Кыргыз Республикасынын мыйзамдарына ылайык, жергиликтүү өз алдынча башкаруунун Жобосуна, жергиликтүү кеңештин регламентине жана башка жергиликтүү өз алдынча башкаруу органдарынын ченемдик укуктук актыларынын негизинде жүргүзүшөт.

1.4.        Депутаттар өздөрүнүн ишмердүүлүгүндө, анын ичинде депутаттык ыйгарым укуктарын аткарбаган учурларда дагы, жалпыга таанылган моралдык жана адептүүлүк нормаларды жетекчиликке алуу керек.

1.5.       Депутаттар депутаттын жана аймактын жергиликтүү өз алдынча башкаруу органдарынын аброюна шек келтирүүчү аракеттерден жана жоруктардан алыс болуш керек.

1.6.       Депутаттар өзүнүн кадырын сактоо менен бирге башка депутаттардын, кызматтык адамдардын жана жарандардын кадырын сыйлаш керек.

1.7.       Депутаттар өзүнүн депутаттык мандатын депутаттык ишмердүүлүккө тиешеси жок максаттарга пайдалана албайт.

II. КОЧКОР АЙЫЛДЫК КЕҢЕШТИН ДЕПУТАТТАРЫНЫН ИШМЕРДҮҮЛҮГҮНӨ ТИЙИШТҮҮ ДЕПУТАТТЫК ЭТИКАНЫН ЭРЕЖЕЛЕРИ