КР Өкмөтүнүн 2010-жылдын 3-сентябрындагы № 188 токтомуна ылайык күчүн жоготкон

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2010-жылдын 12-февралы №98

Кыргыз Республикасынын Транспорт жана коммуникациялар министрлигинин алдындагы "Кыргызавтожолдору" мамлекеттик ишканасы жөнүндө

"Кыргыз Республикасынын Өкмөтүнүн түзүмү жөнүндө" Кыргыз Республикасынын Мыйзамын жүзөгө ашырууну камсыз кылуу боюнча иш-чаралар тууралуу" Кыргыз Республикасынын Президентинин 2009-жылдын 26-октябрындагы № 425 Жарлыгын ишке ашыруу максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Транспорт жана коммуникациялар министрлигинин алдында автомобилдик жолдорду долбоорлоону, курууну жана эксплуатациялоону жүзөгө ашырган түзүмдөрдү анын карамагына өткөрүп берүү менен "Кыргызавтожолдору" мамлекеттик ишканасы түзүлсүн.

2. Төмөнкү тиркелгендер бекитилсин:

- Кыргыз Республикасынын Транспорт жана коммуникациялар министрлигинин алдындагы "Кыргызавтожолдору" мамлекеттик ишканасынын уставы;

- "Кыргыз Республикасынын Транспорт жана коммуникациялар министрлигинин алдындагы "Кыргызавтожолдору" мамлекеттик ишканасынын башкаруу схемасы.

3. Кыргыз Республикасынын Транспорт жана коммуникациялар министрлиги эки айлык мөөнөттө:

- Кыргыз Республикасынын Транспорт жана коммуникациялар министрлигинин алдындагы "Кыргызавтожолдору" мамлекеттик ишканасын ыйгарым укуктуу мамлекеттик органдарында мамлекеттик каттоодон өткөрсүн;

- ушул токтомдон келип чыккан Кыргыз Республикасынын Өкмөтүнүн чечимдерине тийиштүү өзгөртүүлөрдү жана толуктоолорду белгиленген тартипте иштеп чыксын жана киргизсин;

- өзүнүн чечимдерин ушул токтомго ылайык келтирсин.

4. Бул токтомдун аткарылышын контролдоо Кыргыз Республикасынын Транспорт жана коммуникациялар министрлигине жүктөлсүн.

 

Кыргыз Республикасынын Транспорт жана коммуникациялар министрлигинин алдындагы "Кыргызавтожолдору" мамлекеттик ишканасынын башкаруу СХЕМАСЫ

┌─────────────────────────────┐

│      КР Транспорт жана      │

│ коммуникациялар министрлиги │

└─────────────────────────────┘

┌────────────────────────┐

┌─────────────┬─┤ "Кыргызавтожолдору" МИ ├────────────┐

│             │ └────────────┬───────────┘            │

┌─────┴──────┐┌─────┴───────┐      │                 ┌──────┴──────┐

│  Жалалабат ││    Мамл.    │      │                 │ Чүй курулуш │

│   курулуш  ││жол-ремонтоо,│      │                 │ башкармалыгы│

│башкармалыгы││   курулуш   │      │                 │             │

│            ││башкармалыгы │      │                 │             │

└────────────┘└─────────────┘      │                 └─────────────┘