КЫРГЫЗ РЕСПУБЛИКАСЫНЫН ѲКМѲТY

2014-жылдын 25-ноябры № 674

"Кыргыз Республикасынын айрым мыйзам актыларына өзгөртүүлөрдү киргизүү жөнүндө" Кыргыз Республикасынын Мыйзам долбооруна Кыргыз Республикасынын Өкмөтүнүн корутундусу тууралуу

"Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 31-беренесине ылайык Кыргыз Республикасынын Өкметү

ТОКТОМ КЫЛАТ:

1. Кыргыз Республикасынын Жогорку Кеңешинин депутаттары Д.Д.Бекешев, Ш.Ч.Айтматова, И.Ю.Карамушкина, Д.О.Тербишалиев, Д.А.Ниязалиева, М.И.Бакиров жана У.Т.Кочкоров тарабынан демилгеленген "Кыргыз Республикасынын айрым мыйзам актыларына өзгөртүүлөрдү киргизүү жөнүндө" Кыргыз Республикасынын Мыйзамынын долбооруна Кыргыз Республикасынын Өкмөтүнүн тиркелген корутундусу жактырылсын.

2. Ушул токтом долбоору Кыргыз Республикасынын Жогорку Кеңешине жиберилсин.

Премьер-министр

Дж.К.Оторбаев

Кыргыз Республикасынын Ѳкмѳтγнγн 2014-жылдын 25 ноябрындагы № 674 токтому менен жактырылган

"Кыргыз Республикасынын айрым мыйзам актыларына өзгөртүүлердү киргизүү женүндө" Кыргыз Республикасынын Мыйзамынын долбооруна Кыргыз Республикасынын Өкметүнүн

корутундусу

Кыргыз Республикасынын Өкмѳтү "Кыргыз Республикасынын Өкметү женүндө" Кыргыз Республикасынын конституциялык Мыйзамынын 31-беренесине ылайык, Кыргыз Республикасынын Жогорку Кеңешинин депутаттары Д.Д.Бекешев, Ш.Ч.Айтматова, И.Ю.Карамушкина, Д.О.Тербишалиев, Д.А.Ниязалиева, М.И.Бакиров жана У.Т.Кочкоров тарабынан демилгеленген "Кыргыз Республикасынын айрым мыйзам актыларына өзгөртүүлөрдү киргизүү жөнүндө" Кыргыз Республикасынын Мыйзамынын долбоорун карап чыгып, төмөнкү корутундуга келди.

1. Мыйзам долбоорунун 1-беренесинин 3-бөлүгүндө Кыргыз Республикасынын Салык кодексинин 287-беренесинин l-бөлүгүнүн он төртүнчү-жыйырма бешинчи саптарын акциз салыгынын базалык коюмдарын көбөйтүүнү караштыруучу төмөнкүдөй жаңы редакцияда берүү сунушталат:

- 2015-жылдын 1-январынан тартып чыпкалуу сигареттерге 1000 даанасы 550 сомго, чыпкасыз сигареттердин 1000 даанасы 100 сомго чейин;

- 2016-жылдын 1-январынан тартып чыпкалуу жана чыпкасыз сигареттерге 1000 даанасы 730 сомго чейин;