Ош шаардык кеңешинин 2019-жылдын 14-майындагы №172 токтомуна ылайык

КҮЧҮН ЖОГОТТУ

ОШ ШААРДЫК КЕӉЕШИ

ТОКТОМ

Депутаттардын Ош шаардык кеңешинин кезектеги Х сессиясы (III чакырылыш)

 2013-жылдын 11-октябры № 128

 Депутаттардын Ош шаардык Кеңешинин 2011-жылдын 16-июнундагы XXVIII сессиясында кабыл алынган № 239-«Ош шаарында жүргүнчүлөрдү ташуучу автоунааларда жүрүүнүн жол кире акысын бекитүү жөнүндө» токтомуна өзгөртүүлөрдү жана толуктоолорду киргизүү жөнүндө

Ош шаарынын мэриясынын 2013-жылдын 17-сентябрындагы № 332-08-6 Ош шаарындагы жүрүгүнчүлөрдү ташуучу автоунааларда жүрүүнүн жол кире акысынын тарифин кароо жөнүндөгү катын жана Кыргыз Республикасынын экономика министрлигине караштуу атаандаштыкты өнүктүрүү департаментинин түштүк аймактар аралык бөлүмүнүн 2013-жылдын 13-сентябрындагы №68 корутундусун карап жана талкуулап, шаардык Кеңештин өнөр-жай, байланыш, транспорт, жылуулук-энергетикалык комплекс жана муниципалдык чарба маселелери боюнча туруктуу депутаттык комиссиясынын 2013-жылдын 27-сентябрындагы отурумунун № 7-токтомун, ошондой эле сессияда чыгып сүйлөгөн депутаттардын ой-пикирлерин, сунуштарын эске алуу менен депутаттардын Ош шаардык Кеңешинин кезектеги сессиясы

ТОКТОМ КЫЛАТ:

1.Депутаттардын Ош шаардык Кеңешинин 2011-жылдын 16-июнундагы XXVIII сессиясында кабыл алынган № 239-«Ош шаарында жүргүнчүлөрдү ташуучу автоунааларда жүрүүнүн жол кире акысын бекитүү жөнүндөгү» токтомуна төмөндөгүдөй өзгөртүүлөр жана толуктоолор киргизилсин:

-кичи автобустарда    - 10 сом;

-автобустарда              - 8 сом;

-троллейбустарда       - 6 сом;

-мектеп окуучуларына автобустардын бардык түрлөрүндө -1 сом;

     2.Ош шаардык муниципалдык менчик мекемесинин автоунааларында (автобустарда, троллейбустарда) төмөндөгү категориядагы жүргүнчүлөр акысыз жүрүүгө укуктуу:

-Жашы боюнча пенсионерлер;

-Ош шаарынын Ардактуу атуулдары;

-Ош шаарынын аймактык Кеңештеринин жана Жапалак айылдык аймактык

 башкармалыгынын аксакалдар соттору;

-Ош шаардык социалдык өнүктүрүү башкармалыгынын кызматкерлери;

-«Ош шейиттери» коомунун мүчөлөрү;

-«Ош шамы» гезитинин журналисттери;

-Ош шаардык кургак учукка каршы күрөшүү борборунун медициналык кызматкерлери.

     3.Бул токтом мыйзамда каралган тартипте катталсын жана массалык маалымдоо каражаттарына жарыялансын.            

     4.Токтомдун аткарылышын көзөмөлдөө депутаттардын Ош шаардык Кеңешинин өнөр-жай, байланыш, транспорт, жылуулук-энергетикалык комплекс жана муниципалдык чарба маселелери боюнча туруктуу депутаттык комиссиясына (А.Сыдыков) жүктөлсүн.