КЫРГЫЗ РЕСПУБЛИКАСЫНЫН ПРЕМЬЕР-МИНИСТРИ

БУЙРУК

2011-жылдын 1-апрели № 190

Республиканын шаарларынын жана калктуу конуштарынын аймактарын абаттоо, санитардык абалын, экологиялык жагдайды жакшыртуу, курчап турган чөйрөнү жакшыртууга өбөлгө болгон жашылдандыруу аянттарын көбөйтүү максатында:

1. 2011-жылдын 1-апрелинен баштап 31-майына чейин республиканын шаарларынын жана калктуу конуштарынын аймактарын санитардык тазалоо, абаттоо жана жашылдандыруу боюнча эки айлык жарыялансын.

2. Министрликтер, мамлекеттик комитеттер, администрациялык ведомстволор, облустук, райондук мамлекеттик администрациялар жана жергиликтүү өз алдынча башкаруу органдары, менчигинин түрүнө карабастан ишканалардын, мекемелердин, уюмдардын жана чарбакер субъекттердин жетекчилерине көчөлөрдү, короолорду тазалоо, эл жашаган жерлерди, администрациялык жана турак жай имараттарынын тышын иретке келтирүү боюнча ишембиликтерди өткөрүүнү, жашылдандыруу иштерин, жолдорду, социалдык-маданий, турмуш-тиричилик объекттерин жана айылдык инфраструктураны оңдоону жүргүзүүнү камсыз кылышсын.

3. Облустук мамлекеттик администрацияларга, Бишкек жана Ош шаарларынын мэрлерине тийиштүү аймактарда эң жакшы көчө, кичи район, айыл, айыл өкмөтү, шаар жана район наамына конкурсту жыйынтыктарды чыгаруу жана жеңүүчүлөрдү сыйлоо менен уюштуруу сунуш кылынсын.

4. Министрликтер, мамлекеттик комитеттер, администрациялык ведомстволор, облустук, райондук мамлекеттик администрациялар жана жергиликтүү өз алдынча башкаруу органдары эки айлыктын жүрүшү жөнүндө Кыргыз Республикасынын Өкмөтүнүн Аппаратын 2011-жылдын 5-майына карата, ал эми жүргүзүлгөн иштин жыйынтыгы тууралуу 2011-жылдын 10-июнуна карата тиркемеге ылайык форма боюнча маалымдасын.

5. Жалпыга маалымдоо каражаттарына, Кыргыз Реслубликасынын Коомдук телерадиоберүү корпорациясына эки айлыктын алкагында аткарылуучу иш-чаралардын жүрүшүн кеңири чагылдыруу сунуш кылынсын.

6. Бул буйрук жалпыга маалымдоо каржаттарында жарыялансын.

7. Бул буйруктун аткарылышын контролдоо Кыргыз Республикасынын Өкмөтүнүн Аппаратынын бөлүмдөрүнө жүктөлсүн.

Тиркеме

Республиканын шаарларынын жана калктуу конуштарынын аймактарын абаттоо, санитардык абалын, экологиялык жагдайды

жакшыртуу, жашылдандыруу аянттарын көбөйтүү боюнча эки айлыкты өткөрүү жөнүндө

маалымат