КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2017-жылдын 29-ноябры № 543-б

Россия Федерациясынын Москва шаарында 2014-жылдын 4-июлунда кол коюлган Кыргыз Республикасынын Финансы министрлиги менен Россия Федерациясынын Финансы министрлигинин ортосундагы Кыргыз Республикасына Россия Федерациясынын кайтарымсыз финансылык жардам көрсөтүүсү жөнүндө макулдашууга толуктоо киргизүү тууралуу № 2 протоколдун расмий тилде тиркелген долбооруна принциптүү эмес мүнөздөгү өзгөртүүлөрдү жана толуктоолорду киргизүү мүмкүндүгү менен макулдук берилсин.

Долбоор

Москва шаарында 2014-жылдын 4-июлунда кол коюлган Кыргыз Республикасынын Финансы министрлиги менен Россия Федерациясынын Финансы министрлигинин ортосундагы Кыргыз Республикасына Россия Федерациясынын кайтарымсыз финансылык жардам көрсөтүүсү жөнүндө макулдашууга толуктоо киргизүү тууралуу № 2 ПРОТОКОЛ

Кыргыз Республикасынын Финансы министрлиги бир тарап, жана Россия Федерациясынын Финансы министрлиги экинчи тарап, мындан ары Тараптар деп аталат, Москва шаарында 2014-жылдын 4-июлунда кол коюлган Кыргыз Республикасынын Финансы министрлиги менен Россия Федерациясынын Финансы министрлигинин ортосундагы Кыргыз Республикасына Россия Федерациясынын кайтарымсыз финансылык жардам көрсөтүүсү тууралуу макулдашуунун (мындан ары - Макулдашуу) 7-беренесин жетекчиликке алып, төмөнкүлөр жөнүндө макулдашты:

1-берене.

Макулдашуунун 1-беренеси төмөнкүдөй мазмундагы 9-пункт менен толукталсын:

- "9. Ош шаарынын Ленинград көчөсү боюнча Тилеке-Баатыр көчөсүнөн Сай-Бою көчөсүнө чейин, жөө киши өтчү көпүрөнү, аятчасы менен курууну каржылоо.".

2-берене.

Бул Протокол ага кол коюлган күндөн баштап күчүнө кирет.

2017-жылдын "__" ____________ орус тилиндеги эки нускада түзүлдү, эки нуска тең бирдей күчкө ээ.