КР Министрлер Кабинетинин 2021-жылдын 24-сентябрындагы № 182 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2019-жылдын 15-ноябры № 425-б

Шайкештикти баалоо боюнча органдарды аккредитациялоо кеңешинин курамын оптималдаштыруу максатында, «Кыргыз Республикасынын Өкмөтү жөнүндө» Кыргыз Республикасынын конституциялык Мыйзамынын 10 жана 17-беренелерин жетекчиликке алып:

1. Шайкештикти баалоо боюнча органдарды аккредитациялоо кеңеши төмөнкүдөй курамда бекитилсин:

Кыргыз Республикасынын Экономика министринин орун басары;

Кыргыз Республикасынын Айыл чарба, тамак-аш өнөр жайы жана мелиорация министринин орун басары;

Кыргыз Республикасынын Саламаттык сактоо министринин орун басары;

Кыргыз Республикасынын Маалыматтык технологиялар жана байланыш мамлекеттик комитетинин алдындагы Мамлекеттик байланыш агенттигинин директорунун орун басары;

Кыргыз Республикасынын жеңил өнөр жай ишканаларынын «Жеңил өнөр жай» ассоциациясынын президенти (макулдашуу боюнча);

«Бишкек Стандарт» жоопкерчилиги чектелген коомунун продукцияны жана кызмат көрсөтүүлөрдү сертификациялоо боюнча органынын жетекчиси (макулдашуу боюнча);

«Газпром нефть Азия» жоопкерчилиги чектелген коомунун сапатты контролдоо жана метрология бөлүмүнүн начальниги (макулдашуу боюнча);

«ДНК-Технологиялар-Манас» лабораториясы жоопкерчилиги чектелген коомунун жетекчиси (макулдашуу боюнча);

Кыргыз Республикасынын Саламаттык сактоо министрлигинин «Профилактикалык медицина» илимий-өндүрүштүк бирикмесинин жетекчиси (макулдашуу боюнча);

Кыргыз Республикасынын Экономика министрлигине караштуу Стандартташтыруу жана метрология борборунун сыноо, сертификациялоо жана метрология боюнча Бишкек борборунун жетекчиси (макулдашуу боюнча);

Кыргыз Республикасынын Улуттук илимдер академиясын автоматташтыруу жана маалыматтык технологиялар институтун метрология жана стандартташтыруу бөлүмүнүн башчысы (макулдашуу боюнча);

Бишкек шаардык «Манас» керектөөчүлөрдүн укуктарын коргоо коомунун төрагасы (макулдашуу боюнча);

Кыргыз Республикасынын Экономика министрлигинин алдындагы Кыргыз аккредитациялоо борборунун жетекчиси.

2. Кыргыз Республикасынын Өкмөтүнүн 2018-жылдын 21-февралындагы № 61-б буйругу күчүн жоготту деп таанылсын.

3. Ушул буйрук 2020-жылдын 22-февралынан тартып күчүнө кирет.