КЫРГЫЗ РЕСПУБЛИКАСЫНЫН ӨКМӨТҮ
БУЙРУК
2020-жылдын 27-марты № 108-б
Дүйнөлүк саламаттыкты сактоо уюму COVID-19 короновирустук инфекциясын дүйнөдө пандемия деп жарыялагандыгына жана Кыргыз Республикасынын аймагында короновирустук инфекцияны жаны жуктургандар табылышына, ошондой эле Кыргыз Республикасынын айрым аймактарында өзгөчө абал киргизилгендигине байланыштуу, тамак-аш менен камсыздоо максатында:
1. Кыргыз Республикасынын Коргоо иштери боюнча мамлекеттик комитети республикалык бюджеттен каралган каражаттардын эсебинен өзгөчө абалдын режимин камсыздоо милдеттерин аткаруу үчүн тартылган Кыргыз Республикасынын Ички иштер министрлигинин, Кыргыз Республикасынын Саламаттык сактоо министрлигинин, Кыргыз Республикасынын өзгөчө кырдаалдар министрлигинин кызматчыларын, ошондой эле блокпостторго тартылган Кыргыз Республикасынын Куралдуу Күчтөрүнүн Генералдык штабынын аскер кызматчыларын белгиленген тартипте тамак-аш менен камсыздасын.
2. Кыргыз Республикасынын Финансы министрлиги ушул буйруктун 1-пунктунда аталган министрликтердин сметаларынын эсебинен «Тамак-аш азыктарын сатып алуу» 2218-беренеси боюнча Кыргыз Республикасынын Коргоо иштери боюнча мамлекеттик комитетине кошумча чыгымдар сметасын карасын.
Премьер-министр | М.Д. Абылгазиев |