Загрузка документа…
|
| Тиркеме |
|
|
(Кыргыз Республикасынын Министрлер Кабинетинин 2022-жылдын 11-мартындагы № 120 токтому менен бекитилди) |
Кыргыз Республикасынын мамлекеттик органдарында
жана жергиликтүү өз алдынча башкаруу органдарында
адам ресурстарын башкаруунун автоматташтырылган
маалыматтык системасы жөнүндө ЖОБО
(Кыргыз Республикасынын Министрлер Кабинетинин 2022-жылдын 28-сентябрындагы № 541 , 2023-жылдын 3-ноябрындагы № 588, 2025-жылдын 7-апрелиндеги № 181, 2025-жылдын 22-сентябрындагы № 600 токтомдорунун редакцияларына ылайык)
1. Жалпы жоболор
1. Бул Жобо Кыргыз Республикасынын мамлекеттик органдарында жана жергиликтүү өз алдынча башкаруу органдарында адам ресурстарын башкаруунун автоматташтырылган маалыматтык системасынын максаттарын, милдеттерин, жүргүзүү тартибин, ошондой эле пайдалануучуларынын, операторунун жана ээсинин укуктарын жана милдеттерин аныктайт.
2. Кыргыз Республикасынын мамлекеттик органдарында жана жергиликтүү өз алдынча башкаруу органдарында адам ресурстарын башкаруунун автоматташтырылган маалыматтык системасы (мындан ары - "е-Kyzmat" АМС) мамлекеттик жана муниципалдык кызматтарды ээлеген адамдар, мамлекеттик органдарды жана жергиликтүү өз алдынча башкаруу органдарын тейлеген кызматкерлер, жумуш ордунда убактылуу жок болгон аталган адамдардын милдеттерин аткарган кызматкерлер, мамлекеттик кызматчылар категориясына кирбеген жана мамлекеттик мекемелерде, анын ичинде аткаруу бийлигинин мамлекеттик органдарынын ведомстволук мекемелеринде иштеген кызматкерлер (мындан ары - кызматчылар) жөнүндө маалыматтарды чогултуунун, сактоонун, жаңыртуунун жана талдоонун, ошондой эле мамлекеттик жана муниципалдык кызмат өтөөнүн бардык этаптарында адам ресурстарын натыйжалуу башкарууну камсыз кылууга багытталган конкреттүү органдын штаттык түзүмү тууралуу маалымат берүүнүн маалыматтык системасын билдирет.
"e-Kyzmat" АМСте башка юридикалык жактардын кызматчылары (мындан ары - кызматчылар) жөнүндө маалыматтарды чогултуу, сактоо, жаңыртуу жана талдоо жүргүзүлүшү мүмкүн.
(КР Министрлер Кабинетинин 2022-жылдын 28-сентябрындагы № 541 токтомунун редакциясына ылайык)
3. "е-Kyzmat" АМСти киргизүү жана эксплуатациялоо маселелери боюнча мамлекеттик органдардын жана жергиликтүү өз алдынча башкаруу органдарынын ишин координациялоо, ошондой эле "е-Kyzmat" АМСтин саясатын жүргүзүү, иштеп чыгуу жана модернизациялоо "е-Kyzmat" АМСке мүлктүк укуктары бар мамлекеттик орган (мындан ары - "е-Kyzmat" АМСтин ээси) жүргүзөт.
(Экинчи абзацы Кыргыз Республикасынын Министрлер Кабинетинин 2025-жылдын 22-сентябрындагы № 600 токтомуна ылайык күчүн жоготту)
(Кыргыз Республикасынын Министрлер Кабинетинин 2022-жылдын 28-сентябрындагы № 541, 2025-жылдын 22-сентябрындагы № 600 токтомдорунун редакцияларына ылайык)
4. "e-Kyzmat" АМСтин оператору - бул "e-Kyzmat" АМС серверлерин башкаруучу жана техникалык тейлөөчү, ошондой эле ушул Жобонун тиркемесине ылайык Кыргыз Республикасынын мамлекеттик органдарында жана жергиликтүү өз алдынча башкаруу органдарында адам ресурстарын башкаруунун автоматташтырылган маалыматтык системасынын катышуучуларынын өз ара аракеттенүү регламентинде каралган башка функцияларды жүзөгө ашыруучу Кыргыз Республикасынын Президентинин Иш башкармасына караштуу "Кызмат" мамлекеттик мекемеси.
(КР Министрлер Кабинетинин 2022-жылдын 28-сентябрындагы № 541, 2025-жылдын 7-апрелиндеги № 181 токтомдорунун редакцияларына ылайык)
5. Кыргыз Республикасынын мамлекеттик жарандык кызмат жана муниципалдык кызмат иштери боюнча мамлекеттик орган (мындан ары – ыйгарым укуктуу мамлекеттик орган) жүктөлгөн милдеттерди жана функцияларды ишке ашыруу үчүн:
– кадрдык башкаруу маселелери боюнча “e-Kyzmat” АМСти пайдаланган мамлекеттик органдардын жана жергиликтүү өз алдынча башкаруу органдарынын ишин координациялайт;
– мамлекеттик жана муниципалдык кызмат чөйрөсүндө мамлекеттик саясатты иштеп чыгуу максатында ээсиздендирилген маалыматтарды жалпылайт жана талдайт;
– “Жеке мүнөздөгү маалымат жөнүндө” Кыргыз Республикасынын Мыйзамынын 9-статьясына ылайык жеке маалыматтардын субъектинин аны иштетүүгө макулдугун алууну камсыз кылат;
– “e-Kyzmat” АМСте иштелип чыгуучу жеке маалыматтар массивдерин кармоочу болуп саналат.
“e-Kyzmat” АМСти пайдалануучу мамлекеттик органдар, жергиликтүү өз алдынча башкаруу органдары жана башка юридикалык жактар:
– жеке маалыматтар массивдеринде камтылган маалыматтардын актуалдуулугун кармоону, аныктыгын жана толуктугун камсыз кылат;
– киргизилген маалыматтардын укук ченемдүүлүгү, тууралыгы жана өз убагында киргизилиши үчүн жоопкерчилик тартат.
Ыйгарым укуктуу мамлекеттик орган Кыргыз Республикасынын Президентинин Администрациясынан, сот системасынын органдарынан, ички иштер, улуттук коопсуздук, коргоо органдарынан, аскер кызматчылары бөлүгүндө – жарандык коргонуу чөйрөсүндөгү ыйгарым укуктуу органдан тышкары, Кыргыз Республикасынын жеке мүнөздөгү маалымат чөйрөсүндөгү мыйзамдарына ылайык мамлекеттик органдардын жана жергиликтүү өз алдынча башкаруу органдарынын кызматчыларынын жеке маалыматтарына жетүү мүмкүнчүлүгүнө ээ. Системада иштелип чыгууга тийиш болгон жеке маалыматтардын ичине мамлекеттик жана муниципалдык кызмат орундарын ээлөөгө кадрлар резервине киргизилген талапкерлер жана конкурстук жол-жоболордун катышуучулары жөнүндө маалыматтар да кирет.
Кыргыз Республикасынын Президентинин Администрациясынын адам ресурстарын башкаруу маселелери боюнча түзүмдүк бөлүмү ички иштер, улуттук коопсуздук, коргоо органдарынан тышкары, Кыргыз Республикасынын жеке мүнөздөгү маалымат чөйрөсүндөгү мыйзамдарына ылайык башка мамлекеттик органдардын жана жергиликтүү өз алдынча башкаруу органдарынын кызматчыларынын жеке маалыматтарына жетүү мүмкүнчүлүгүнө ээ.
(Кыргыз Республикасынын Министрлер Кабинетинин 2025-жылдын 22-сентябрындагы № 600 токтомунун редакциясына ылайык)