КР Премьер-министринин 2021-жылдын 12-февралындагы № 26-б «Ченемдик укуктук актылардын долбоорлорун коомдук талкуулоонун бирдиктүү порталынын сапаттуу иштешин камсыздоо жөнүндө» буйругу

КР Министрлер Кабинетинин 2023-жылдын 10-февралындагы № 45-т тескемесине ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2021-жылдын 12-февралы № 26-б

Ченемдик укуктук актылардын долбоорлорун коомдук талкуулоонун бирдиктүү порталынын сапаттуу иштешин камсыздоо максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

Кыргыз Республикасынын Өкмөтүнүн 2020-жылдын 17-августундагы № 277-б буйругуна төмөнкүдөй өзгөртүүлөр киргизилсин:

1) 2-пунктундагы "2021-жылдын 1-мартына" деген сөздөр "2022-жылдын 1-январына" деген сөздөр менен алмаштырылсын;

2) 4-пунктунун 4-пунктчасынын биринчи абзацындагы "15-февралына" деген сөздөр "15-июнуна" деген сөздөр менен алмаштырылсын;

3) 7-пунктундагы "2021-жылдын 1-мартына" деген сөздөр "2022-жылдын 1-январына" деген сөздөр менен алмаштырылсын;

4) жогоруда аталган буйрук менен бекитилген Пилоттук долбоордун алкагында ченемдик укуктук актылардын долбоорлорун коомдук талкуулоонун бирдиктүү порталын эксплуатациялоо тартибинде:

- 22-пунктунда:

4-пунктчасындагы "долбоорлору менен бөлүшүүгө" деген сөздөр "долбоорлору жөнүндө маалымат менен бөлүшүүгө" деген сөздөр менен алмаштырылсын;

5-пунктчасындагы "түзүүгө" деген сөз "киргизүүгө" деген сөз менен алмаштырылсын;

7-пунктчасы төмөнкүдөй редакцияда баяндалсын:

"7) Бирдиктүү порталды колдонуу эрежелери сакталбаган учурда иштеп чыгуучу орган тарабынан "Жарандардын кайрылууларын кароо тартиби жөнүндө" Кыргыз Республикасынын Мыйзамында белгиленген тартипте каралуучу даттанууларды берүүгө";".